الى زيدان ... رسالة مفتوحة ..

بجد بشكر الاستاذة عواطف حافظ

بجد كتبت الى كلنا عايزين نكتبه بس يا مكسوفين او محرجين
عن نفسى دايما بدخل المنتدى كل مبفتح النت ببص بصه واخرج بس زمان ايام زيدان كنت دايما هنا
وعلى فكرة انا زمان انقذت المنتدى لما حصل هكر عليه وبلغت ساعتها الدكتورة ماجدة ودخلت وحلت المشكلة الكلام دة بقالة كتير يمكن اول متعمل المنتدى يعنى انا ليا دور مهم بالمنتدى رغم انى مش بكتب بسبب دراستى او انى مش لاقى حاجة انزلها تعجبكم

بس انا معاكم دايما بقلبى وعقلى ومنساش ايام جميلة قضتها هنا مع جروب مفيش منه الا كام حد بس و الباقى راح

بس الى يقدر يلم شملنا تانى هو زيدان لانه تحسه اخوك او قريبك متحسهوش بعيد عنك

فنا بضم صوتى لعواطف وبطالب برجوعه مرة تانية وكلنا ساعتها هنرجع زى زمان ايام مكنا بنجرى على المنتدى ليل نهار

ارجع يا زيدان

نفسى حد يقوللى ميــــــــــــــــن زيدان؟

لانى شغوفه اعرف حكايته

و وين راح؟

وان كان راح طيب ليه؟

وليه ما يرجع لنا تانى؟

والا خلاص

اللى بيروووووووح ما بيرجع تاااااااااااااااااانى


ارجوكم انتظر الرد

وارجو بالتفصيل لو امكن.................

قبل اي شئ بشكر الشاعرة الكبيرة عواطف حافظ على دعوتها لزيدان للرجوعه وحبها للمنتدى انه يكون افضل ويكون حظوظة عالية للمنافسة بين المنتديات

وبتذكر انه كان بيوم من الايام رقمه متقدم جدا
وبرجع لزيدان اخي وصديقي

يا زيدان عودتك للعالم ضرورة وليس للمنتدي فقط

يا زيدان نريد روحك الحماسية بيننا اين كلامك واصرارك انت علمتنا القتال بالعالم حتى اخر نفس وان نحقق احلامنا مثل ما قالت الشاعرة الكبيرة عواطف التى اشكرها جدا لمواقفها واشعارها الجميلة وادعوها لزيارة بلدها الثانى تونس وان تنزل ضيفة كريمة على اسرتى وان تسكن بمنزل والدتي حتى تعود الى مصر

واتمنى عودة زيدان الحاوي كما اطلقنا علية مرة اخرى حتى نجدد الحماس بحياتنا ونتذكر الايام الرائعة

ارجع يا زيدان

وبعتذر انى بكمل كلامى ببرد منفصل

حاولت ارجع الموضوع واعدل فيه لاكن مقدرتش

كنت حابب اقول لحضرتك استاذة عواطف كل سنة وحضرتك بخير

واقول لكل الاخوة والاخوات الى ردو على الموضوع كل سنة وانتو بخير

وكل اعضاء قلب الحياة كل سنه وهما بخير وصحة وسلام

ولزيدان شخصيا يارب تكون بخير وكل سنة وانت طيب يا حاوى ومنتظرينك

واسف لو كملت برد منفصل

وشكرا

على قد ما كنتى السبب يا عواطف فى انى مدخلش المنتدى بعد مشكلة القديمة وسوء التفاهم الى كان حاصل

بس انتى كمان سبب انى ارجع واكتب وارد تانى

انا مع كل كلمة قالها قناص الصعاب وموافقة جدا وحسيت بمعنى كلامه واثر فيا واستفدت منه جدا وانا معاكم فى ان زيدان اخويا يرجع من جديد لانه وجودة بياثر نفسيا ومعنويا وهو دينامو وصانع بهجة وحماس فى حياتنا لانه من ساعة ما بعد عن الكل حياتنا بقا فيها ملل ورتابة وخنقة وبقيت يوم زى يوم مفيش فرق

فأنا وياكم ومعاكم وبقول لزيدان ارجع وفرحنا بيك على اول يوم رمضان وخليك معانا محتجينك

ياريت تكون بتشوف كلامنا وتحس بيه وترجعلنا

مستنينك

مش عارف اقول اية

بس ياريت زيدان يرجع وبتمناها من قلبى

انا من غير تردد معاكم بكل كلامكم

ومنتظرة عودة زيدان

ويا مسهل يارب

السلام عليكم ابنائي وبناتي الاعزاء ورمضان كريم وكل عام وانتم بخير

لا اعلم لماذا جال بخاطري مناشدتكم لزيدان برجوع لقيادة المنتدى مرة اخرى
بحال نادى الزمالك الذى يشجعه زيدان بضراوة ومناشدة الجماهير للادارة عبر الصحف و المواقع برجوع حسام حسن لقيادة الفريق بعد عروض سيئة له

هل هو الحماس القاسم المشترك بين زيدان وحسام حسن ؟

ام القدرة على القيادة ولم الشمل ورفض الهزيمة مهما كانت الاسباب

و اجمل ما فى الكلام هو نبرة الحب سواء لزيدان او للمنتدى

واحسنت شاعرة المنتدى السيدة عواطف صياغة الحروف وكتبتها ببساطة ولو ان حروفها تحمل الكثير من التساؤلات المشروعة و الاجابة بتأكيد ستكون عند زيدان

فبرجاء عدم اهمال الموضوع ومواصلة الحديث حتى نجبر الابن الشارد عن القطيع زيدان بدخول و الرد بنفسه على الموضوع

وشاكر لكم حبكم لمنتدى قلب الحياة فربما يكون هو ما يجمع شملنا على الخير وحب الوطن

انتم خلتونى ابكى على زيدان وانا ما اعرفوش ولا اعرف كان بيعمل ايه لكن انا شغوفه جدا لمعرفه هذا الرائع المجهول زيـــــــــــــدان

وانا سألت عده اسئله ولا احد يرد على فى نفس موضوع ارجع يا زيدان

ارجو حدا يطفئ نار ى وشوقى للغالى زيدان

وحدا يقوللى مين هو زيدان

ومع ذلك

انا كمان بقووووووووووووووووول

ارجع يا زيداااااااااااااااان

لكن مناشدتنا له يمكن تكون على الفاضى اصلا لو ما بيدخلش على المنتدى

عموما ارجو الرد

رغم اشتراكى من سنة وأكتر بالمنتدى هنا الا ان المرادى هشارك برد و الكتابة فى موضوعكم عن زيدان بذات بعد ما سئلت الاستاذة المشرفة ميمو والاستاذة لمياء عن من يكون زيدان
ورغم ان الموضوع ممكن ياخد شكل المجاملات من اصدقاء زيدان له لكن مضمون موضوع الاستاذة الذكية جدا عواطف حافظ اعتقد من الاهمية اننا كلنا نشارك فيه ونتابعة باستمرار ويكون هو المشروع الجديد لقلب الحياة فى عودة زيدان مش للمنتدى بس لا للعالم نفسه وعدم مواصلة اعتزاله الحياة او تجنبه الكلام مع الكل و الاكتفاء بسؤال و الاطمئنان من بعيد لبعيد
المرادى هشارك وانا مرعوبة يمكن لانى اول مرة اكتب لكم هنا او لانى خايفة اقول حجات مش مسموح ليا الكلام فيها
كل الي هقدر اقوله عن زيدان وانا يمكن ومعرفش دة صح ولا غلط أقدم حد عرف زيدان من سنين طويلة بحكم انى كنت استاذته بصف الثالث الاعدادى ورغم كدة كنت اعرفه من لما كان بسنه اولى اعدادى لكن احتكاكى بيه بشكل يومى كان بصف الثالث الاعدادى
وكان ملفت جدا للانظار بحكم هدوئه وخجله والتزامه وذكائه الحاد واسئلته الغريبة زى مثلا سؤال حيرنى وحير كل مدرسين الدراسات الاجتماعية وكان عن لو مصر امتلكت صاروخ نووى ووجهته للقطب الشمالى هل الانفجار كافى لتحويل جميع ثلوج القطب الشمالى لماء كافى لاغراق اوروبا وامريكا
وطبعا سؤال زى دة ومن طالب عمره ميزدش عن 13 سنة غريب ومقلق جدا
وقيس على دة اسئلة من نوع ازاى نتخلص من الالغام الارضية بصحراء الغربية
وبالطبع مقتنعش بالاجابة المعتادة مننا كلنا وقال انه عنده حل ومش هيكلفنا كتير وكان حله تصنيع مراوح عملاقة وتوجهيها لحقول الالغام وبتالى الرمال هطير فى عكس اتجاه الهوا وتنكشف لينا مع الوقت الالغام المزروعة وبعدها بخراطيم مياه عملاقة يتم توجهيها اتجاة الالغام من على بعد وبضغط الماء تنفجر الالغام
ولكم ان تتخيلو صدمتنا من طريقة تفكيره وحجات تانية كتير من النوع دة
ورغم كل امكانياته الذهنية و العقليه لكن كان مهمل الدراسة بشكل كبير وتفكيره باشياء من خارج الدراسة كان سبب قوى بتغيير مجرى حياته ولو كان اهتم بدراسته ربع اهتمامه بالاشياء الاخرى كان بقا له شأن دلوقتى
واتمنى من لو انه شاف كلامى دة ميزعلش منى وانا واثقه انه هيقدر دة
وارجع بعد كدة عن من يكون زيدان
وهحاول أختصر الكلام أكتر من كدة علشان متحسوش بالملل منى بذات ان دة اول تعارف مع حضراتكم
زيدان يا ميمو ويا لمياء شاب قدر انه يكون احلام يحققها وجمع كل من حوله على احلامه وعمل حاجة جميلة جدا وكنت سعيدة انى شارركت فيها كان اسمها الاتحاد
وكان الاتحاد دة عبارة عن عالم كامل متكامل فيه كل التخصصات والاعمار ومن كل البلاد العربية و الاسلامية وكان فيه منهم اجانب كمان وكان له اهداف زى مثلا التنمية البشرية لكل اعضائه وكل عضو كان فى الاتحاد كان له تدريب خاص بيحوله لانسان ناجح بحياته وكان فيه اقسام كتير ومتعدوش
باختصار الاتحاد كان عبارة عن تكامل بين اعضائه وكل عضو يعلم غيره ما تعلمه بحياته وهكذا بقت سلسلة طويلة زى مثلا المحامى يساعد المحامين اصغر منه او طلبة الحقوق او يترافع بقضايا لناس محتاجة
الطبيب نفس الحكاية ويعالج كمان ناس بالمجان
الصنايعى يعلم غيره صنعته
المدرس يددرس لطلبة المحتاجة دروس خصوصية بالمجان
الى عنده مشروع يدخل مع غيره شريك ويكبرو مشروعهم وتكون الاولوية لاعضاء الاتحاد بالعمل فيه
وورش عمل تنمية بشرية وسياسية ومعلوماتية وغيرها وغيرها
وقيسو دة على كل حاجة
وكنا سعداء جدا وحالتنا المعنوية مرتفعة بشغلنا وبحياتنا واتعرفنا بشخصيات من كل البلاد وزورنا معاهم بحكايتهم عن بلادهم بيوتهم وكأننا عايشين معاهم وسعادتنا ديه انعكست على حياتنا وحياة اولادنا وفعلا الدنيا كان ليها طعم جميل جدا
وطبعا كان كل دة تحت ادارة زيدان
وعمل نظام عمل للمتابعة كان جميل جدا ومكنه انه يعيش مع كل حد مننا حياته وبتالى شاركنا وشاركناه حياته
دة مختصر زيدان
ودة مختصر حياته معانا ومعايا انا شخصيا
لكن تحت ظروف معينة بعد زيدان بتدريج عن العالم الجميل دة وبتالى الاتحاد بدء يضعف بعد ابتعاد زيدان وكأنه كان توائمه وبيحس بيه وكل شئ فى النهاية اختفى ومفضلش الا الذكريات الجميلة و العلاقات الشخصية مع اعضائه
واخر حاجة عملها زيدان فى حدود ما اعلم هو قلب الحياة لكن مشروعه وحلمه دة كمان مكملش
وبتالى بقا زيدان منعزل تماما عن الكل ورافض لظروف قاسية مرت بيه الكلام مع اى حد الا بحدود قليلة مش زى مكان زمان
فموضوع الاستاذة عواطف حافظ لمس كتير عن زيدان ومعرفش هل هى كانت عضو بالاتحاد ولا كلامها كان ناتج عن السماع عن زيدان
ولازم أقول كلمة لكل من لم يعرفو زيدان بالحقيقة
فاتكم كتير جدا وهيفوتكم ويفوتنا اكتر لو مقدرتوش تنجحو وانتو شباب وعندكم عزيمة وجهد فى انكم ترجعو زيدان من جديد
ومهما حكيت ليكم عن زيدان مش هوفى حقه
وياريت بس هو لو شاف كلامى ميزعلش منى
وأسفة لو طولت على حضراتكم
وكل سنة وأنتم طيبين

رغم اشتراكى من سنة وأكتر بالمنتدى هنا الا ان المرادى هشارك برد و الكتابة فى موضوعكم عن زيدان بذات بعد ما سئلت الاستاذة المشرفة ميمو والاستاذة لمياء عن من يكون زيدان
ورغم ان الموضوع ممكن ياخد شكل المجاملات من اصدقاء زيدان له لكن مضمون موضوع الاستاذة الذكية جدا عواطف حافظ اعتقد من الاهمية اننا كلنا نشارك فيه ونتابعة باستمرار ويكون هو المشروع الجديد لقلب الحياة فى عودة زيدان مش للمنتدى بس لا للعالم نفسه وعدم مواصلة اعتزاله الحياة او تجنبه الكلام مع الكل و الاكتفاء بسؤال و الاطمئنان من بعيد لبعيد
المرادى هشارك وانا مرعوبة يمكن لانى اول مرة اكتب لكم هنا او لانى خايفة اقول حجات مش مسموح ليا الكلام فيها
كل الي هقدر اقوله عن زيدان وانا يمكن ومعرفش دة صح ولا غلط أقدم حد عرف زيدان من سنين طويلة بحكم انى كنت استاذته بصف الثالث الاعدادى ورغم كدة كنت اعرفه من لما كان بسنه اولى اعدادى لكن احتكاكى بيه بشكل يومى كان بصف الثالث الاعدادى
وكان ملفت جدا للانظار بحكم هدوئه وخجله والتزامه وذكائه الحاد واسئلته الغريبة زى مثلا سؤال حيرنى وحير كل مدرسين الدراسات الاجتماعية وكان عن لو مصر امتلكت صاروخ نووى ووجهته للقطب الشمالى هل الانفجار كافى لتحويل جميع ثلوج القطب الشمالى لماء كافى لاغراق اوروبا وامريكا
وطبعا سؤال زى دة ومن طالب عمره ميزدش عن 13 سنة غريب ومقلق جدا
وقيس على دة اسئلة من نوع ازاى نتخلص من الالغام الارضية بصحراء الغربية
وبالطبع مقتنعش بالاجابة المعتادة مننا كلنا وقال انه عنده حل ومش هيكلفنا كتير وكان حله تصنيع مراوح عملاقة وتوجهيها لحقول الالغام وبتالى الرمال هطير فى عكس اتجاه الهوا وتنكشف لينا مع الوقت الالغام المزروعة وبعدها بخراطيم مياه عملاقة يتم توجهيها اتجاة الالغام من على بعد وبضغط الماء تنفجر الالغام
ولكم ان تتخيلو صدمتنا من طريقة تفكيره وحجات تانية كتير من النوع دة
ورغم كل امكانياته الذهنية و العقليه لكن كان مهمل الدراسة بشكل كبير وتفكيره باشياء من خارج الدراسة كان سبب قوى بتغيير مجرى حياته ولو كان اهتم بدراسته ربع اهتمامه بالاشياء الاخرى كان بقا له شأن دلوقتى
واتمنى من لو انه شاف كلامى دة ميزعلش منى وانا واثقه انه هيقدر دة
وارجع بعد كدة عن من يكون زيدان
وهحاول أختصر الكلام أكتر من كدة علشان متحسوش بالملل منى بذات ان دة اول تعارف مع حضراتكم
زيدان يا ميمو ويا لمياء شاب قدر انه يكون احلام يحققها وجمع كل من حوله على احلامه وعمل حاجة جميلة جدا وكنت سعيدة انى شارركت فيها كان اسمها الاتحاد
وكان الاتحاد دة عبارة عن عالم كامل متكامل فيه كل التخصصات والاعمار ومن كل البلاد العربية و الاسلامية وكان فيه منهم اجانب كمان وكان له اهداف زى مثلا التنمية البشرية لكل اعضائه وكل عضو كان فى الاتحاد كان له تدريب خاص بيحوله لانسان ناجح بحياته وكان فيه اقسام كتير ومتعدوش
باختصار الاتحاد كان عبارة عن تكامل بين اعضائه وكل عضو يعلم غيره ما تعلمه بحياته وهكذا بقت سلسلة طويلة زى مثلا المحامى يساعد المحامين اصغر منه او طلبة الحقوق او يترافع بقضايا لناس محتاجة
الطبيب نفس الحكاية ويعالج كمان ناس بالمجان
الصنايعى يعلم غيره صنعته
المدرس يددرس لطلبة المحتاجة دروس خصوصية بالمجان
الى عنده مشروع يدخل مع غيره شريك ويكبرو مشروعهم وتكون الاولوية لاعضاء الاتحاد بالعمل فيه
وورش عمل تنمية بشرية وسياسية ومعلوماتية وغيرها وغيرها
وقيسو دة على كل حاجة
وكنا سعداء جدا وحالتنا المعنوية مرتفعة بشغلنا وبحياتنا واتعرفنا بشخصيات من كل البلاد وزورنا معاهم بحكايتهم عن بلادهم بيوتهم وكأننا عايشين معاهم وسعادتنا ديه انعكست على حياتنا وحياة اولادنا وفعلا الدنيا كان ليها طعم جميل جدا
وطبعا كان كل دة تحت ادارة زيدان
وعمل نظام عمل للمتابعة كان جميل جدا ومكنه انه يعيش مع كل حد مننا حياته وبتالى شاركنا وشاركناه حياته
دة مختصر زيدان
ودة مختصر حياته معانا ومعايا انا شخصيا
لكن تحت ظروف معينة بعد زيدان بتدريج عن العالم الجميل دة وبتالى الاتحاد بدء يضعف بعد ابتعاد زيدان وكأنه كان توائمه وبيحس بيه وكل شئ فى النهاية اختفى ومفضلش الا الذكريات الجميلة و العلاقات الشخصية مع اعضائه
واخر حاجة عملها زيدان فى حدود ما اعلم هو قلب الحياة لكن مشروعه وحلمه دة كمان مكملش
وبتالى بقا زيدان منعزل تماما عن الكل ورافض لظروف قاسية مرت بيه الكلام مع اى حد الا بحدود قليلة مش زى مكان زمان
فموضوع الاستاذة عواطف حافظ لمس كتير عن زيدان ومعرفش هل هى كانت عضو بالاتحاد ولا كلامها كان ناتج عن السماع عن زيدان
ولازم أقول كلمة لكل من لم يعرفو زيدان بالحقيقة
فاتكم كتير جدا وهيفوتكم ويفوتنا اكتر لو مقدرتوش تنجحو وانتو شباب وعندكم عزيمة وجهد فى انكم ترجعو زيدان من جديد
ومهما حكيت ليكم عن زيدان مش هوفى حقه
وياريت بس هو لو شاف كلامى ميزعلش منى
وأسفة لو طولت على حضراتكم
وكل سنة وأنتم طيبين

ميمو كتب:

انتم خلتونى ابكى على زيدان وانا ما اعرفوش ولا اعرف كان بيعمل ايه لكن انا شغوفه جدا لمعرفه هذا الرائع المجهول زيـــــــــــــدان

وانا سألت عده اسئله ولا احد يرد على فى نفس موضوع ارجع يا زيدان

ارجو حدا يطفئ نار ى وشوقى للغالى زيدان

وحدا يقوللى مين هو زيدان

ومع ذلك

انا كمان بقووووووووووووووووول

ارجع يا زيداااااااااااااااان

لكن مناشدتنا له يمكن تكون على الفاضى اصلا لو ما بيدخلش على المنتدى

عموما ارجو الرد

ميمو يا ميمو عاملة واهل غزة عاملين ايه افتكر الكهربا عال العال و القشية معدن وكل حاجة بتمام ههههههههههههه

وافتكر ماما أمطار الشتاء مخلتش حاجة مقلتهاش عن زيدان وجاوبتك انتى ولمياء

وزعلانة منك جدا انك لغيتى حسابك القديم على الفيس وعملتى حساب جديد ومبعتليش ادد

عموما يقلبي دة حسابي على الفيس ابعتى ادد والا هقطع الكهربا عن بيتك ههههههههههههههههههههه

https://www.facebook.com/profile.php?id=100000143489442&ref=tn_tnmn

وعلى فكرة بردو زعلانة منك ههههههههههه

وارجع يا زيدان خلى المنتدى ينتعش بدل ما هو بيموت كدة

موضوع جميل واتفجئت ان فيه اعضاء ردو ومخدتش بالى مع انى بدخل كل شوية ابص على الجديد
والاستاذة عواطف حقيقة انسانة محترمة وتستاهل الخير على حماسها لقلب الحياة

انا بعد اذن حضراتكم هستغل الموضوع دة واسئل هو فين الاتحاد ومجموعات الاتحاد من الاحداث بمصر ؟

يعنى حاسس ان الكل متفرق وناس راحت عند صباحى وناس راحت عند البرادعى وناس هنا وهنا و الكل متشتت وبقينا نحارب بعض وناس ولا فاهمة حاجة وتايهيين

انا عايز افهم هو لو زيدان اختفى الكل يضيع كدة ؟ وهو فين زيدان ؟ انا حاولت اوصله ومعرفتش
تقريبا مفيش غير عدد بسيط من الاتحاد المتواصل معاه و الباقى ولا يعرف عنه حاجة

كان لازم يكون لينا دور دلوقتى ونكمل المشوار وكان زمنا مسكنا البلد وبقت لينا كلمة

مع احترامى لزيدان طبعا بس انا بحمله المسئولية على كل الضياع بحروبات الاتحاد

وعارف انى مش هلاقى رد بس انا فعلا بغلى ومش عارف امشى تبع حزب ولا تيار ولا حركة ولا ايه

ياريت حد يرد ومتشكر

متشكر جدا لحضرتك يا نونه

وموافق اشترك معاكى فى نشاطك على الفيس

بس ممكن رابط الاكونت بتاعك لو معندكيش مانع