ياقلب سامحني على كل زله

ياقلب سامحني على كل زله
اخطيت في حقك كثير وتماديت
علمتك ادروب الهوى والمذله
عليك ياقلبي قسيت وتجنيت
ياما نصحت وقلت من صد خله
لا شك ماطاوعت يومك تخليت
واليوم دمع الحزن عيني تهله
ياليتني طاوعت شورك وصديت
ياقلب انا وياك نار ودله
من حزنها اشرب وانا قد تقهويت
اصبر على بلواك والجرح شله
ادري ترى ماجت على ماتمنيت
اعاهدك لاهجر عنا الحب كله
وانسى سنين ماضيه يوم حبيت
وان جاء مع الايام طاريه قله
اني بعيد عنه من يوم قفيت
هاذي بدايتنا وهذا محله
ذكرى وان منها تعبت وتعنيت
ياقلب اصبر والصبر لا تمله
الصبر مفتاح الفرج لو تأنيت
بس انت سامحني على كل زله
(ولا انا في حقك اخطيت واخطيت)

» قل لهم ياقلب جرحوه