تحية لزيدان ..

رغم معرفتى بة وبشخصيتة وبطريقة تفكيرة الا أننى منبهر بطريقة فعلة الصامت
فهو لا يتكلم أبدا عن أى بطولة قام بها ولكن من حولة يتهامسون فيما قام بة

زيدان صديقى المصرى الذى جعلنى أحب مصر مثل تونس تماما

انا لا أستطيع البوح بما قام بة زيدان من أجل أصدقائة فى ليبيا فى الأحدث الجارية ومن قبلها ما فعلة معنا فى تونس
لقد فجائنى عبقريتة فيما قام بة من أجل مساعدة الاصدقاء فى ليبيا بطريقة تجبرك ان ترفع القبعة لة خاصة أنة لا يتكلم ولا يظهر ما يفعلة

حقيقى لا أعرف ماذا أكتب

وليس لدى سوى رسالة حب و أحترام لصديقى زيدان

وليس هناك أجمل من أن أكتب رسالتى فى بيت زيدان وبيتنا جميعا قلب الحياة

زيدان صديقى المصرى شكرا لكل ما قمت بة

وربما يعرف من يعرفك بقيمتك وقيمة تواضعك ونكران ذاتك

ما شاء الله عليك

ونرجو عودتك لقيادة مجموعتنا مجددا لكى نستعيد جزء فقدناة بأبتعادك عنا وهوة الشعور بقيمة الحياة و أهمية وجود دور لنا فيها

زيدان أرفع القبعة أحترما لك

وسلامى للجميع

باهي التونسى

أصيل يا باهى

فيك الخير وخلتنى أسجل دخول مخصوص علشان أرد عليك
فعلا زيدان راجل بجد وأنت يا باهى أبن أصول ومتربى

وشوف الغرابة
أنت فى بلد تانية ومقبلتش زيدان ولا قبلتنا ولا شفتنا ورغم كدة باقى على العيش والملح

وفية غيرك كان بيكلمنا ويعيط لينا علشان نساعدة ولا يكون محتاج حاجة ويقعد بالساعات والشهور معانا ويضربنا فى ظهرنا ويعض الايد الى اتمدتلة بالخير

اهوة دة حصل معانا وعلى حياة عنينا وحصل ظاكتر منة مع زيدان مع ناس لا عندها لا دم ولا أخلاق ولا تربية وكلة مظاهر و أونطة وذهب صينى بيلمع بس تقليد

قلبت علينا الوجيعة يا عم باهى بأصالتك وأخلاقك

ودية ياريت تكون رسالة كبيرة لناس معينة بتدخل تسحب زى الحرامية وتشوف بنعمل اية ولا بيجيبو اخبارنا ولا يدخلو زى الحرامية هنا يشوف زيدان والى بيعملة

وبعد مكانو بيدخلو فى عز الظهر و أصحاب بيت وليهم كلمة كمان بيدخلو زى الحرامية
ومش اى حرامية لا الحرامية الى معندهمش دم أصل فية حرامى جدع يراعى الى وقف جنبة وصانة والى عملة خدمة

وفية حرامى تطلع الى فى جيبك كلة وتدهولة وتدور وشك تجبلة حاجة تانية تدهالة يقوم ضربك فى ظهرك وخاينك

تقول اية ناس ولاد أصول وناس لا أصول ولا حاجة شغل درجة تانية مستعمل كمان

تسلم يعم باهى على الكلام دة

و أطمن زيدان زى ما فية الى خانة وأتعرضلة بالسوء وقلة الأصل بعد ما زيدان حافظ على شرفهم وحماهم من غير حتى ما يعرفو ورغم انهم اتنكرو لكل دة
ورغم اننا عندنا تسجيلات لكل الى كان بيحصل قديم وجديد لكن لا واجهم ولا استغلهم وسابهم فى حالهم
بس عايز ارجع لكلمة اطمنك

زى ما فية الاشكال دية فية الناس الى زيك يا باهى الناس الى تعرف معنى العيش والملح ومعنى الاخوة والصداقة ومعنى الرجولة

الناس دية لسة موجودة حولين زيدان وحولينا وهما الهوا الى بينضف الرئة بتاعتنا من الاشكال اياها بتاعة الاخلاق الفالسو

وزى منتا قلت هوة لا بيتكلم ولا بينطق ودة اكتر حاجة عجبانى فية انة لا بيقول عمل ولا سوا ولا بينتطق حتى رغم الاساءة لية مع العلم انة ممكن يرد وعندة ناس وحوش ولاد تعالب تعرف تلعبهم صح بس هوة لا بيهتم بنفسة ولا بحاجة تخصة رغم انة مبيتحملش فينا شكة دبوس

بس تقول اية الرجولة الصح زيدان

وياريت يا عم باهى تيجى مصر ونشيلك فوق راسنا يا راجل يا اصيل

وهنستناك ونتجمع احنا والحبايب على النيل ونسهر لصبح
ونوريك مصر الحقيقية بحلوها ومرها ودية يا عم باهى دعوة ليك ولاسرتك كلها ومتحملش اى هم عندك رجالة اخواتك بمصر وهات اى عدد معاك هنشيلك ونشيلهم بعنينا

وياريت الناس اياها الى بتدخل مستخبية تشوف الى بيعملة زيدان تعرف حاجة

على رائي حد قالهالى عن الناس قليلة الاصل الى سعدناهم حتى من غير ما يعرفو ووقفنا جنبهم ولفو وضربو فينا

هما هعيشو ويموتو زى قلتهم لكن الى زى زيدان بيعيش علشان غيرة يعيش ولما بيموت بيموت علشان يعيش اكتر واكتر

وطبعا الى يعرفنا صح ويعرف مجموعات الاتحاد الى كان عاملها زيدان هيعرف مين الى قالها عنة
اما الى ميعرفش فدة كلام حد قريب جدا من زيدان وعارف شخصيتة الحقيقية

واخر الكلام ياعم باهى نيابة عن كل الاصحاب بقولك تسلم الام الى خلفتك
لانها خلفت راجل يعرف العيش والملح ولا غدار ولا خوان ولا بتاع مزاج وحوارات

واخر حاجة هقولها لزيدان

اتحملت كتير علشانا وعلشان ناس متستهلش
بس هقلك جملة ونختم الكلام

مشفتش ولا سمعت عن حد عاشرك ولا عرفك الا وقال عنك انك غير ا ى حد عرفة وان راجل بمعنى الكلمة

فميهمكش من الى غدر ولا خان ولا الى باع

انت سيدهم وهتفضل سيدهم برجولتك وجدعنتك هما هيروحو ويلفو ويرجعو يقولو لنفسهم كانو يعرفو فى يوم من الايام ويتباهو بيك كمان

فكمل حياتك على خير واحنا معاك خير وشر ومهما حصل هتلاقى ولاد مجموعات الاتحاد فى ظهرك وانت زعيمنا ورئيسنا والقائد بتاعنا والحاوى الى يلعب بالكل للخير ومهما حصل او اتقال عنك او عليك اعرف حاجة حطها حلقة فى ودنك

لو ولاد الاتحاد او الى عرفوك هيتعدمو بكرة وقالولهم اخر طلب ليكم عايزين تقابلو مين صدقنى ورحمة امى لنقول انت
على الاقل هنوصيك على بيوتنا واهلنا وانت احسن حد نستأمنة على دة

وشكرا يباهى على كلامك الى خرج كلام من قلبى

ورحمة امى الغالية بجد قلت كل كلمة بضمير ومن غير مصلحة

وسلامات يا زيدانو ومنتظرينك

عاش الاتحاد

عاش زيدان

» أسف لزيدان وبحبك يا زيدان .
» تحية لأؤلئك الأزواج
» استشارات قانونية مجانية

تحية لزيدان ..

تحية لزيدان .. :: تعاليق

تحية لزيدان ..

مواضيع مماثلة

مواضيع مماثلة