حكاتي مع الزمان علشان محدش يقولي انت ليه حزين

كان يأما كان وزمان يأما كان .. كان فيه انسان دايما سعيد وفرحان
مكنش يعرف يعني ايه احزان كان حاسس انو اسعد انسان
كانت كل طلباتو مجابة كانت كل حياتو فرح وسعادة
كان كل اصحابو بيحسدوه علي معزة ابوه ليه كانو بيعاملو انو اخوه وصاحبو مش ابوه
كان عايش عيشة ولا في الاحلام فعلا كان حاسس انو انسان
ولكن في يوم من الايام بدأت رحلة الاحزان من كل مكان
بدأت بمرض اعز انسان انتهي وقت الفرح والدنيا بقت احزان
كان في اليوم بيموت الف مرة وهو شايف مرض اعز انسان
كان بيدعي ربنا العزيز الجبار ليل مع نهار انو يشفي اعز انسان
كان بيدعي انو هو يتصاب بالمرض ويشفي اعز انسان
ولكن ده امر ربنا ومش ممكن يتغير مهما كان
عمل المستحيل هو واهلو واخواتو علشان يشفو ابوه وحلمو وكل حياتو
سافرنا لكل مكان علشان نساعد اغلي انسان بس هو كان سعيد وفرحان
وبيقول خلاص هقابل ربي الرحمن هاقبل ربي الرحيم وكان دايما بيقراء في القران
وقلي ووصاني وصية قلي خلي بالك من امك واخواتك انت اغلي من نور عيني
قلي انت اغلي حد ليا وبكيت وقلتو انت اللي نور عيني وبعدك مأليش حد في الدنيا دي
بكيت بحرقة وجنون ودعيت ربي الكون يخأدني من الدنيا ويشفي اغلي حد ليا والله كان حبيبي ونور عينيا كنت ببكي ليل نهار كنت حاسس اني انا بنهار وتاني يوم ابويا صحي من الفجريا ونده عليا قلي انا كويس روح علي جيشك في الحربية قلت لايا نور عنيا انت اغلي حد ليا مسك ايدي وحضني وبكي بحرقة ونار قلي علشان خاطري روح جيشك انا كويس وفرحت يادنيا ولبست هدومي وقلت لامي ابويا كويس وقبل ما امشي رحت ليه ضحك وحضني بين ايديه وقال لامي شوفيه لو محتاج اي حاجه اعطيه دا ابني اللي روحي فيه كان بيضحك وعنيه بتدمع ومشيت لحد الشارع بره وبعدين رجعت وبكيت وحضنت ابويا تاني وقام ابويا باس علي راسي وقلي متخفش انا كويس وقاعد مع اهلي وناسي ومشيت ودموعي ويايي كنت كل دقيقة تلفون واطمن علي الغالي يضحك ويقولي انا كويس خلي بالك انت من نفسك ومن حالك وخلي ذكرا الله في بالك كنت ببكي لما بسمع صوتو وكان بيقتلني سكوتو وبعد يومين حصل اصعب شي في حياتي اني مت واتدمرت كل حياتي وفضلت ايام وشهور وانا حاسس اني بحلم مكنتش مصدق انو مات ابويا مات وضاعت كل الذكريات كنت كل شوية ادخل عندو في الغرفة وانادي عليه اختي تقلي انت بتعمل ايه ابوك مات كنت بصرخ واقول انتم كدابين ابويا لسه عايش امي دخلت في غيبوبة وانا اتجنيت مبقتش قادر ادخل البيت ومن يومها وانا عايش وحيد بعد فراق اعز حبيب وبدعي ليل مع نهار بدعي العزيز الجبار اني اصعد للسماء اشوف ابويا واحضنو واحكيلو علي شفتو واللي حصلي ودي حكايتي مع الزمان من كان لكان من انسان سعيد وفرحان الي انسان حزين وزعلان من الدنيا والايام
ودي حكاتي مع الزمان علشان محدش يقولي انت ليه حزين وزعلان