خايف

موضوع: خايف الخميس مارس 29, 2012 8:54 pm

خايـــــــــــــــــف

نفسى اقول بحبك وخايف
خايف اقولها تحرمنى منك الايام
وخايف اسكت تضيعى منى
ويلومنى قلبى ويخاصمنى وعيونى تانى ماتنام
طيب قولى انتى اعمل ايه
اسكت واتكوى بنار شوقى وتموت جوايا الاحلام
ولا اصرخ بيها كلمة بحبك
تسمعيها ويسمعها العاشقين على مر الازمان
ايوة بحبك وهقولها بصوت عالى
مش هخاف تانى بعدك ولا هخاف الحرمان
مانتى معايا قدامى وغايبة عنى
لاحاسة بشوقى ووجدانى ولا بنار بتكوى فيا الكيان
انتى عايشة بتضحكى وسعيدة
وانا عايش قدامك ميت مكسور بعدد الاحزان
ازاى تكونى اقرب الناس منى وابعدهم عنى
ازاى اكون غرقان فى نهر حبك وقلبى عايش عطشان
ازاى تكونى ارضى وسمائى
وازاى اكون طاير فى سماكى تايه حيران
لا انا عارف انزل وارسى على عشى
ولا عارف اكمل وقلبى مكسور من الجفا تعبان
ماكفاية ياحلو العمر ومرره
كفاية بعد وعند كفاية هجر وحرمان
كفاية وحسينى وتعالى ضمينى
نسينى عذابى فى بعادك عرفينى يعنى ايه هو الحنان
مش هبكى تانى عليكى ولا انوح
مش هلوم تانى ولا اعتب على الزمان
انا فى حبك ماشوفت غير الجروح
تعبت وخلاص مش لاقى تانى كلام
تعب لسانى من كتر ما قال بحبك
وعيونى تعبت سهر ودموع بتكوى الاجفان
لو كنت انا حبيبك هتجيلى وتقولى
بحبك ياحب ماشوفت زيه ولا سمع عنه الزمان
انت العشق بجنونه وشجونه
انت الشوق والدفى انت العطاء والامان
وساعتها هنسى حزنى فى بعادك
هنسى مررى وهوانى واقول الالم ولى وكان

كلمات الشاعر الحزين :عـــــــــــــــــــــــــــــادل

» دومينيك: السر فى الطبيب النفسي.. عبد المنعم: كنت خايف اشيل الليلة