أول ما شوفت الصورة دي حسيت بحاجة غريبة

أول ما شوفت الصورة دي حسيت بحاجة غريبة
ياسبحان الله طفلة صغيرة رغم التعب والوجع والالم
اللي حاسة بيه لكن فى عينيها نظرة تفاؤل وامل ورضا
عمرى ما شفتهم قبل كده
أسرتني بنظرتها وبفكرتها
( لو شعرى بيقع من المرض
عادي هرسمه بإيدي من تاني حتى
لو كانت مجرد رسمة فى المرايا وتختفى
اول ما اتحرك من قدام المراية )
فكرت في نفسنا شوية ..لو الطريق اتسد في وشنا
لو حاجة بنحلم بيها ومكملتش يااااه الدنيا تسود في عينينا
ونكره نفسنا ونكتئب ومش بعيد نفكر في الموت
وأنا فاشل والجو ده أكيد كلنا عارفينه ومرينا بيه
ازاي نقنط من رحمة ربنا
ده سبحانه قال في كتابه العظيم
(" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ " )
ساعات بزعل وبكتئب كتير ليه مش قادرة اوصل لحاجة
ليه كل ما امشي خطوة ارجع عشرة لورا
واكتشفت ان بتواكل مش بتوكل على الله
اكتشفت ان العيب مني انا اللي من اول خبطة بقع وبستسلم
بجد الصورة دي علمتني كتير
شكرا ياطفلتي الصغيرة .. وربنا يشفيكي
وتعلمينا دايما معنى الامل والتفاؤل والرضا

بقلمي :سارة سعيد

» فى الدنيا شوفت كتير
» رحلة غريبة
» معلومات طبية غريبة؟!