جيتك بقايا روح!!

جيتك بقايا روح في هيكل انسان
جفت على درب الاماني دموعه
جيتك جروحٍ تنزف آلام واحزان
وقلبٍ من الفرقا همومه تلوعه
جيتك وفي يديني غصـــــــن ورد ذبلان
يبكي على حب ٍ تهـــــــاوت شموعه
جيتك من الغربة مســــــافر من أوطــان
ونفسي من الترحـــــــــال صارت جزوعه
جيتك غريب ٍ شتته لـــــــــوعة أزمـان
جار الزمن ضده وهشــــــــــم ضلوعه
جيتك ورغم اللي حصــــــــل جيتك حصان
عزيز نفس ٍ مارضــــــــــى في خضوعه
خذ ذكرياتك حبنا اليــــــــــوم خسران
حنا ظلمنا الحــــــــــب بأول طلوعــه
هذي نهايتها جـــــــــروح ٍ وحرمان
ضـــــــــــاقت على قلب ٍ ضنونه تروعه
يكفي ترى ماعـــــــدت أنا اتحمل اشجان
يكفي من اللي صـــــــار نفسي قنوعه

بودعك قانع ومــــــــــاني بندمان
ومافات مات وصـــــــــــعب والله رجوعه

» بقايا امنيه