تحزمت لك بأجمل شعور ^^

تحدّيت لك كل الظروف وجيـت لـك عانـي
تعشمت في شخصك تصون العهد والعشـرة
توقّعت تتحدّى ظروف الوقـت مـن شانـي
ظروف الحياه اللي تزوّد حسرتـي حسـره
تنازلـت عـن أشيـا كثيـره لان إيمانـي
بأن التنـازل فـي سبيـل الحـب ياكبـره
تعلّمت قبل اجرح شعـورك أحفـظ لسانـي
على شان ما أشره عليـك وأنـت ماتشـره
تعهّدت لـك تبقـا هنيّـا مـا معـك ثانـي
على بالي إن عهـد المحبّـه بيننـا خشـره
تحزّمت لك باجمـل شعـور وقلـت هذانـي
مثل ماوعدتـك مالتفـت للمـال والشهـره
ولا أنكر فيوم ان وجـودك خفّـف أحزانـي
ولا مر يـوم وخافقـي مـا بلّغـك شكـره
على مهرتي الشقرا لفيـت اليـوم وحدانـي
إذا راحـت السكـره أكيـد بتاتـي الفكـره
معي لك كلام/ ودبلـة الخطبـة /وأشجانـي
ومعي ذكريات(ن) فوقهـا دمعـات منتثـره
معي لك قصيدة مؤلمة مضمونها ( انسانـي)
ولا راح تسمع صوتي المعتـاد مـن بكـره
جرحت الخفوق وجرحك مـن ايـام بكانـي
وانا لي خفوق اليا انجرح من شخص يحتقره
توقعتك بتاقف معـي فـي موقـف إنسانـي
واثاريك خايـن والخيانـه شـي بالفطـره
عليك الهبا ياحظـي اللـي عثـت بازمانـي
ترى مثلي أستر لـه إذا بتلازمـه / قبـره

"وسلامتكم"

» شعور انثـــــى!!
» شعور بالاشتياق