الى الادارة لقلب الحياة

سؤال الى الادارة لقلب الحياة

لية تم حذف صورتى الشخصية وصورتى بالتوقيع

انا اتفجئت بدة والرسالة الى وصلت ليا على الخاص مش مقتنعة بيها تماما

يعنى اية الصور فيها مبالغة و غير مناسبة للمنتدى وتغيروها وتطلبو احط صور تانية ملائمة للمنتدى والاسرة والاطفال

يعنى اية دة

اولا انا حطيت صور لواحدة من أشهر المطربين فى العالم كلة بريتنى سبيرز

مش صور لاى حد وخلاص

ثانيا الصور دية موجدة على النت ومفيهاش أباحية ولا حاجة لانها صور شخصية ليها هى وبس معهاش اى شخص

ثالثا عايزين تفهمونى انكم مش بتشوفو افلام ولا اغانى سواء اجنبية ولا عربية فيها اكتر من كدة بكتير

وبالعكس الافلام والاغانى الاجنبية مفيهاش الى بنشوفة بالافلام والاغانى العربية
لانهم بيعملو دة كنوع فن انما احنا بنعملة كأثارة وبس

يبقا فين المنطق هنا

انكم الى بتشوفو اكتر من كدة بحياتكم وسكتين وجايين على صور لمطربة بحبها جدااااااااااااااا وكنت بحضر عروضها بامريكا لما كنت هناك وتشيلو صورها

انا مش حطاها لاى ازعاج او شئ من دة انا حطاها لان قصة حياتها قريبة من قصة حياتى وفينا كتير مشترك

واتعلمت انى اشوف الى جوا الانسان مش اشوف مظهرة وبس

ياريت بلاش تناقض

وهرجع الصور

ولو عايزين طرد ليا انا موافقة بس مش هغير رائي عشان ارضيكم

سلام

برحب باعز واغلى صديقة ليا بدنيا نارين

حبيبتى محدش بيفكر يطردك ولا حد هنا ممكن يعملها كلنا أسرة واحدة

واذا كان على موضوع الصور فانا معاكى ان دية حرية شخصية

ومعاهم انهم هما المسئولين عن المنتدى

وانا متاكدة ان محدش بيفكر بطرد ابدااااااااااااااااااااااااااا

لانى عارفة عقل الى ماسكين المنتدى

وانا هكلم الادمن نوال وهى عسولة جدا وهتتفهم الى حصل

ومبروك علينا وجودك يا اعز صديقة بالكون

هاى بنات

وانا كمان بنضم ليكم وفعلا مش شايفة الصور فيها اى شئ خارج

انا عايشة تحت الاحتلال الاسرئيلى ورغم كل الى بيقال عن حريتهم وفجورهم

لكن لامانة الى بشوفة بيحصل فى العرب سوا أفلام او اغانى يضرب الى بيعملوة الاسرائيلين الف مرة

ليش احنا منسبنا من الامور البسيطة ونهتم بالامور الكبيرة

وانا متاكدة مليون بالمية ان الادمن نوال هتفهم الى حصل وتقدر الحرية الشخصية

وانا جربتها وجربت التعامل معاها

وهى انسانة بتعقد العالم كلة

ما هذا الذى يحدث

هذا منتدى و موقع وليس غرفة شات أو دردشة

فالرجاء مراعاة ذلك من الاخوات

ثانيا وضحت فى رسالة لكى نارين كل شئ ووضحت انة لا يجوز وضع صور مثل تلك

وانا اعلم ان نيتك جميلة وان الصور هى لمطربة مفضلة لديكى وانا احترم هذا جدا واحترم حبك لها بصرف النظر عن رائي فى ذلك

ولكن مصر ليست امريكا وكما كنتى بامريكا تحترمى قوانين البلد هناك
فالواجب احترامك لقوانين البلد هنا

ووجب ايضا احترامك لقوانين قلب الحياة

وكان يمكن ان تناقشينى علنا بدون ان تضعى الصور مرة أخرى حتى نصل لتفاهم بيننا

وعلى أى حال هذة القوانين التى هنا وواجب على الجميع تنفيذها

وسوف أعطيكى مهلة لحذف الصور بنفسك

والمهلة 48 ساعة من لحظة دخولك القادمة قلب الحياة

وفى حال عدم دخولك قلب الحياة فى خلال مدة 3 أيام من تاريخ ردى سوف يتم تجميد عضويتك وعضوية كل من رد عليكى هنا

وأعرف ان رودى او نفسى زيدان يحبنى

سوف يغضبون منى وخصوصا رودى

ولكننى لا يهمنى سوا الطريق الصحيح

مع العلم اننا لا نفكر أطلاقا بطرد أى عضو هنا بل بالعكس نرحب بية ونتمنى تواجدة معنا

والرجاء تفهم المشكلة بصدر رحب

ومرحبا بكى نارين بقلب الحياة

وتحياتى للجميع

توقيع

نوال المغربي

السلام عليكم ورحمة الله وبركاته

فى الاول احب اهنيكى بانضمامك لينا

نخش بقى فى الموضوع من غير لف ودوارن

يعنى ايه معنى الحريه

مفهوم الحريه بنسبالك ايه ؟

هى الحريه لها حدود ولا قيود ؟

انتى بتستخدمى الحريه دى بشكل صح ولا المهم انك تعملى كل حاجه ؟

تحياتى المراقبة العامة نسمة فتحى

الى الادارة لقلب الحياة Question-mark

السلام عليكم ورحمه الله وبركاته

انا شدني المنتدي لان فيه حجات كتيرة مفيدة ومن اكتر الناس الي حبيت مواضيعها لمياء وده الي شجعني اني اسجل في المنتدي

وانا بشكر الادارة والاعضاء الي اعترضوا على الكلام ده
وخصوصا الادمن نوال لما قالت

وأعرف ان رودى او نفسى زيدان يحبنى

سوف يغضبون منى وخصوصا رودى

ولكننى لا يهمنى سوا الطريق الصحيح

بحيكي بجد فعلا رضا الرب ولا رضا العبد
ومعلش كان كلامي شديد شوية بس بجد انا بقالي اسبوع بدخل وبقرا مواضيع لاعضاء محترمين هنا
وحبيت انضم للمنتدى
وشكرا

السلام عليكم ورحمة الله وبركاته

اولا احيكى استاذة/ نوال على الرد القوى و احيى المراقبة العامة / نسمة

على الرد الحكيم

ولكنى رغم اعجابى برد الاستاذ / حاتم ولكنى اعتب عليه لانه وصف

الاعضاء رودى ونفسى زيدان يحبنى وناردين بانهم غير محترمين لا حق لك

فى ذلك لان قلب الحياة مكان يسعى لكل الناس بمختلف الثقافات والبيئات ،

انت شوفت رد استاذة / نوال ورد المراقبة / نسمة كان من الممكن انهم

يقولوا نفس الكلام لكن قل الحياة بيرفض الغلط فى اى شخص حتى لو

غلطان لان لا يصح معالجة الخطأ بالخطأ كان يكفى انك تكتب تعليقك بدون

ان تهين احد من الاعضاء ......... ارجو تغير التعليق لتفادى المشكلات .

تحياتى

محمد على

السلام عليكم

اولا شكرا يامحمد على تعليقك

ثانيا اعذروني للتعليق السابق بالنسبة للكلام الي قولته بس كنت مضايق قوي من كلامهم وانفعلت زيادة
انا فعلا معرفش اي حد فيهم بس كفاية الصور الي حاطينها في بروفايلهم والكلام بتاعهم ده بيدل عليهم وعلى سمعتهم وارجوا من ادراة قلب الحياة ن تعلمني مسبقا قبل حذف اي شيء من التعليق وشكرا

الى العضو الجديد حاتم

لم تدع لنا فرصة الترحيب بك

فرحبت انت عن نفسك وبدئت ترحابك بسب وقذف أعضائنا

أذا كنت اخى تتابع المنتدى كما قلت من اسبوع وتتابع الاعضاء وعلى راسهم مشرفتنا المصرية ( الصعيدية ) لمياء
( وواضح انك دخلت تبحث عن العضوة الخاطئة لدينا وربما تجدها بأماكن تقبل ما قلتة بحق عضواتنا الكريمات )

فأكيد فهمت أسلوب ورقى منتدانا

صحيح نختلف ونتعاتب ولكننا لا نتحارب أبدا ولا نفعل مثل ما فعلت

والعضوات المحترمات رغم عنى وعنك وعن اى شخص

هم صفوة منتدانا من حيث الأصل والتعليم ورقى اللهجة حتى بالعتاب او الخلاف

وهم أفضل من نالو علما فى منتدانا على يد أحدث مدارس فى مصر والولايات المتحدة وهم من يدرسو بأرقى الجامعات بالعالم وشرف لنا تواجدهم معنا
وشرف لك ان تتعرف حتى على أسمائهم

وانا مندهشة كيف تستعين بنص من القرأن الكريم

وانت تقذف محصنات بدون حتى ان تعرفهم

وكيف تجرائت لهذة الدرجة مع انك حديث بمنتدانا

أخى ان اعراض بناتنا ليست لعبة

وليس معنى انك متواجد خلف شاشة بعالم مليئ بمليارات البشر فهذا يعفيك من العقاب

بل العكس هوة الصحيح تماما وأسئل مجرب وسوف تعلم

وقد حذفت ردك الغير محترم و أبقيت على باقى ردك المحترم

وتأكد ان هذا ما كنت لافعلة من أجلك فى حال تعرضك لاهانة أو سب

وأرجو أيقاف هذة المهزلة فورا

وأن كنت أخى أستوعبت ما قلتة فأنت مدين بأعتذار أمام الجميع

وسوف تكون أخا لنا وسوف ترى مكارم أخلاقنا

وأن كنت سوف تستمر على نفس اللهجة بسبك وتهجمك على أعرض بناتنا فتأكد أن خيار الطرد من المنتدى سوف يكون خيار أخير جدا وهناك من البدائل بعالم النت ما لا قد تعرفة

فنحن لا نحقق لأعضائنا متعة الكتابة والرد فقط

ولكن الأهم الأمان التام

وأن شئت تمتع معنا بالأمان كأخ وعضو

وأن شئت غير ذلك فلا تلومن الا نفسك

و أخر كلامى

لن تحذف أى من صور العضوات وأن ارادو زيادة الصور فليفعلو ولهم مطلق الحرية التامة فى أختيار أى صور يريدونها

فمن أعجبة ذلك فأهلا وسهلا

ومن لم يعجبة فزر الخروج ليس بعيد عن يدة

توقيع

الادارة لقلب الحياة

HATEM كتب:: السلام عليكم

اولا شكرا يامحمد على تعليقك

ثانيا اعذروني للتعليق السابق بالنسبة للكلام الي قولته بس كنت مضايق قوي من كلامهم وانفعلت زيادة
انا فعلا معرفش اي حد فيهم بس كفاية الصور الي حاطينها في بروفايلهم والكلام بتاعهم ده بيدل عليهم وعلى سمعتهم وارجوا من ادراة قلب الحياة ن تعلمني مسبقا قبل حذف اي شيء من التعليق وشكرا

أخى

الادارة لها حرية الحذف بحرية وهذا قانون لدينا ومكتوب بخانة القوانين التى وافقت عليها قبل أشتراكك

ثانيا هل تريد أن أسئذنك فى حذف سب وقذف لبناتنا من الأعضاء

فهل أستئذنتنا قبل أن تكتب ما كتبتة

أن مجرد الاساءة لشخص هنا هوة اساءة لجميع

فأن كنت ترى أن أعضائنا غير محترمات كما قلت فلماذا أشتركت بمنتدى أعضاءة غير محترمين ؟؟؟؟؟؟؟؟؟؟؟

أن مجرد أشتراكك بمنتدى غير عضواتة غير محترمين هوة أساءة لك قبل أى شئ

ولا يوجد لدينا أشرف من أعضائنا

وقد أثنيت على بحسن ردى عليهم

فأرجو ان تكون فهمت الفرق بين الأختلاق فيما بيننا و حسن طبعنا و أخلاقنا ودافعنا عن بعضنا

فنحن أسرة نختلف نعم

لكننا لا نترك ذوينا لأى طامع خارجى أبدااااااااااااااا

أرجو أنتهاء هذة المهزلة وسوف يغلق الموضوع

وسوف أرسل لك رسالة على الخاص بالمنتدى فنتظرها أخى

توقيع

الادارة لقلب الحياة

» الى الادارة الغالية لقلب الحياة مدونة للعضوة أنوووش
» وداعا لقلب الحياة
» أستئذان بالأنصراف و وداع لقلب الحياة