الملاك البرىء

السلام عليكم ورحمة الله وبركاته

(الملاك البريء)

الملاك البرىء 1291-51

الأمل كان مالي قلبي برغم إن يأسه بيقتله, من كتر شوقه يصعب عليه, ودموع
عيوني تحنله.

مبقتش فاهم هيه ليه عايزه تشوفني ! , قلبي يخاف يقول مش هترضي ويرجع يطمني ,

ويقول أكيد حاسه بذنبي يمكن هتستسمحني , ويرجع يقول عايزه تشوفني وأنا محتار (عايز يجنني).

دايماً كان يشوفها زي الملاك تبعد أوي يكدب يقول مستنياك , ويشاور لفوووق و يقول اهيه هناك.

يكدب اصدق احلم أطير ابعد وأقوله صح يا قلبي عشقاك

وأقوله" هوصلها يلا ياقلبي هنسافرلها يقولي بلاش أوعي يغرك شكلها".

مبقيتش فاهم قلبي عايز مني إيه بقيت اسأله ..نبعد يا قلبي ولا نروحلها؟ في ايدي ايه

بس ممكن اعمله أنا تحت أمر الحب انشالله حتى اموتلها , معرفش حاسس انك بتلعب بيا

ليه ؟ يرد متأثر أوي يعني هوه أنا هخدعك د ه أنت ملكش غيري يعني هغرقك.

طيب خلاص قول يا أستاذ الغرام

كان يحكي عنها يحلي ويطول الكلام , قالي هنعشق من بعيد وقال بنعشق حد غيرها ,

نحكيلها عنها هتحس شوقنا هتحسه أكيد , هوه يعني مين غيرنا باقيلها ,خلص الكلام

عنها واتأكدت وعرفت ,وخلاص دلوقتي هصارحها .

قلتلها بحبك قالتلي مين (يا ريتني كنت كدبت) قلتلها أنتي وقلبي مطمن معقول لسه مش

فاهمه , بدأت اقلق قلبي يقولي لا بتتقل طبعاً.

قالتلي عمري ما كنت اتخيل إن حبيبتك هي أنا , أنت وقلبك حبيتو ملاك هيه مش أنا ,

ارجع وعيش مع وهم قلبك حبيبتك مش هنا.

مابقيتش شايف حاجه لحظه ب100 سنه .

بس عندك حق عمرك ما كنتي ملاك والاسم خداع كله كلام روايات كبيره يتباع , ويلا

يا وهمي وقتك خلص ودلوقتي الوداع.

مره بتقولي جرحتك ؟!! محيرني السؤال قلتلها هقولك إيه مفيش كلام يتقال , أصرت

أجاوبها وهروبي كان محال.

ايوه جرحتيني ياما صعبت علي قلبي قتلتيني , ياما سهرت من جرحك وجعتيني , كنت

بموت من شوقي ليكي وعذبني حنيني ..طبعاً جرحتيني.

ومكنش نفسي أحسسك بالذنب لو مش حاسه بيه بس أنا فاض بيه وقلبي كده كفاية عليه .

نزلت دموعها ما بقيتش مصدق إنها بتبكي عشاني بسببها هيه بعد ما كنت فاكر إن الفرح

كله عشاني تعبت جرحتني الليالي وبقي الحزن عنواني.

همستلي نفسي أشوفك ويارتنا نتقابل , وقلبي يترجاني أقول مسامحك لا ياقلبي مش

قاااااايل.

لقيتها مخبيه مني عينها ياتري مش عايزه تشوف عينيا ولا مش عايزاني أشوفها , ولا

يمكن مش عايزاني أشوف فيها كدبها

(ماهو يمكن عينيها توصلني لقلبها)

ولما شالت نضارتها بانت عيونها بحر وشوفت جواه غريق قربت منه لقيته أنا وقلبي

بينزف , وانكتب علي عنيها بدم قلبي ...

» رسالة من قلب الحياة للجميع .
» رأيتها تخطر برقة الملاك

الملاك البرىء

الملاك البرىء :: تعاليق

الملاك البرىء

مواضيع مماثلة

مواضيع مماثلة