سورة يوسف

موضوع: سورة يوسف الأحد يوليو 03, 2011 12:12 am

خاطرة سريعة كدة جت فى بالى وانا بسمع سورة يوسف

بالرغم انى وكل واحد فينا سمعها كتير وحافظ القصة كويس وفى مننا ماشاء الله حافظ السورة كمان

بس نتدبر كدة الايات وتسلسل السرد القرأنى للقصة الرائعة دى

هنلاقى التسلسل مش منطقى من وجهة نظر المنطق طبعا

نشوف كدة الأيات بتقول ايه بترتيبها الطبيعى
بداية من مكر اخوة سيدنا يوسف به وغدرهم به

فَلَمَّا
ذَهَبُواْ بِهِ وَأَجْمَعُواْ أَن يَجْعَلُوهُ فِي غَيَابَةِ الْجُبِّ
وَأَوْحَيْنَا إِلَيْهِ لَتُنَبِّئَنَّهُم بِأَمْرِهِمْ هَذَا وَهُمْ لاَ
يَشْعُرُونَ

. وَجَاؤُواْ أَبَاهُمْ عِشَاء يَبْكُونَ

.
قَالُواْ يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ
عِندَ مَتَاعِنَا فَأَكَلَهُ الذِّئْبُ وَمَا أَنتَ بِمُؤْمِنٍ لَّنَا
وَلَوْ كُنَّا صَادِقِينَ

. وَجَاؤُوا عَلَى قَمِيصِهِ بِدَمٍ
كَذِبٍ قَالَ بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ
وَاللَّهُ الْمُسْتَعَانُ عَلَى مَا تَصِفُونَ

19وَجَاءَتْ
سَيَّارَةٌ فَأَرْسَلُواْ وَارِدَهُمْ فَأَدْلَى دَلْوَهُ قَالَ يَا
بُشْرَى هَذَا غُلامٌ وَأَسَرُّوهُ بِضَاعَةً وَاللَّهُ عَلِيمٌ بِمَا
يَعْمَلُونَ

. وَشَرَوْهُ بِثَمَنٍ بَخْسٍ دَرَاهِمَ مَعْدُودَةٍ وَكَانُواْ فِيهِ مِنَ الزَّاهِدِينَ

. وَقَالَ الَّذِي اشْتَرَاهُ مِن مِّصْرَ لاِمْرَأَتِهِ أَكْرِمِي مَثْوَاهُ عَسَى أَن يَنفَعَنَا أَوْ نَتَّخِذَهُ وَلَدًا

وَكَذَلِكَ
مَكَّنَّا لِيُوسُفَ فِي الأَرْضِ وَلِنُعَلِّمَهُ مِن تَأْوِيلِ
الأَحَادِيثِ وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ
النَّاسِ لاَ يَعْلَمُونَ

خدت بالك ولا لسة

الاول اخوة سيدنا يوسف اجمعوا على الغدر بيه وتفريقه عن يعقوب عليه السلام

فياخدوه ويلقوه فى البئر ثم بعد كدة يجى ناس يطلعوه وياخدوه الى مصر ويبيعوه مثل العبيد الى عزيز مصر

بثمن بخس كما وصف القرأن

وبعد كل دة شوف ربنا بيقول ايه

وكذلك مكنّا ليوسف فى الارض

مستغربتش قبل كدة من التسلسل دة
ازاى بعد كل الذل دة يأتى التمكين
!!!

عارف يعنى ايه تمكين , يعنى ايه تتمكن وتمسك بزمام الامور فما بالك بالتمكين فى الارض

اللى
عاوز اقوله يا شباب ان بالرغم من كل اللى حصل لسيدنا يوسف الا ان كل
المصائب والابتلاءات دى كان مجرد اسباب ومقدمات للتمكين له فى الارض

ومكانتش سبب جزع وفزع لسيدنا يوسف ولا هى غضب من ربنا عليه

فاللى عاوز اقوله احنا فين من اليقين دة فى قضاء ربنا

فين يقينا ان مشكلة ممكن تحصل مش هقول ممكن بل اكيد ان وراها خير لينا او منعت شر عننا

ركز كدة فى دقة الفاظ القران

ان مع العسر يسرا

وليس بعده

كل ما بشوف ناس كتير بتسخر وتهزا من الدين او من مظاهر الالتزام صدقونى مش بخاف ولا بجزع بالعكس

انا بطمن اكتر لان دة ذل اه

بس ذل التمكين , التمكين لدين الله فى ارضه

حتى
ايام النبى صلى الله عليه وسلم كان الصحابة فى الغزوات يستبشرون خيرا بان
النصر قد حان حينما يسب الاعداء النبى عليه الصلاة والسلام

وان الله سيمكن الله رقاب اعدائهم

فأسال الله لى ولكم ايمانا ويقينا صادقا

» قصة يوسف عليه السلام-الجزء الأول
» قصة يوسف عليه السلام-الجزء الثالث
» تعلم من سيدنا يوسف