هم كده الرجاله

هم كده الرجاله
.
.
.
.
.
اتجوز واحده عقليه و مثقفه .. يقولها العلم عمره ما كان مهم للبنت.. اهم حاجه انها تكون ست بيت

اتجوز واحده ست بيت .. يقولها اش فهمك انتى خليكي بس في الطبيخ بتاعك

اشتغلتي .. يقولك مش مشكلتي انك بتشتغلي محدش طلب منك .. أنا اللي اعرفه اني جاي من بره تعبان وعايز كل حاجه تكون جاهزه

قعدتيله في البيت .. هيجي من بره يقولك .. انا طول النهار طالع عيني .. وانتي قاعده هنا ياهانم في التكييف .. هتحسي بيا ازاااااااي حضرتك

اهتميتي بيه وأخدتي بالك منه .. يقول دي خانقاني ومش عارف اخد راحتي منها

سبتيه علي راحته .. يقول مبقتش بتهتم بيا وهاملاني وهو انا متجوز عشان محدش يعبرني

اتدلعتي عليه واهتميتي بنفسك .. يعتبرك فاضيه ومش حاسه بالدنيا وبالعيشه ولا حاسه أنه طالع عينه طول النهار

تقلتي وكبرتي دماغك .. يقولك ده أنا متجوز واحد صحبي

يفضل كل أما يشوفك يقولك انتي مش ملاحظه انك تخنتي أوي
وهو أصلا قميصه مبيتقفلش من الكرش اللي عنده

لبستي لبس عادي في البيت .. يبص استغفر الله العظيم ,, للستات اللي لابسين سواريهات في بيوتهم "في التلافازيون طبعا " ويقولك شايفه الستات عامله ايه

قلتي خلاص هرضيه ولبستيله سواريه .. يقولك ايه اللي انتي عاملاه ده .. هي بعزقة فلوس وخلاص .

يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا على اساس انه بيتحول كل خميس مثلا
لكن تروحي تصبغي شعرك وتغيري قصته .. ولا بياخد باله أصلا

يحطك في مقارنه مع كل الممثلات والمطربات .. واى حاجه اخرها اااات

ويزعل أوي ويتحمق لو بالصدفه جبتي سيرة مهند

هم كده الرجاله Untitled

السلام عليكم ورحمة الله وبركاته

يااا سلام دلوقتى الرجال وحشيين وانتم الى ملائكة يعنى هى الست هانم لما تبقى قاعدة فى البيت وببتفرج على التليفزيون هتحس براجل ازى ولا لو فى الشغل هتبقى زاى الراجل ؟

لا لا لا طبعا ده مستحيل

وعلى فكرة الست المفروض متستناش اما الرجل ينتقدها لازم تكون لماحة وطبعا دى مش فى الستات طبعا ؟؟

وانتم عرفين ده كويس ومش كل االرجل زاى مانتى بتقولى والراجل دايما بيحب ان مراته تكون احلى واحدة بس هى بتفهم غلط لازم تكون متزنة وعقلة والوسطية حلوة يعنى لتحرقها ولا تمرقها .

وده طبعا مستحيل .....؟

» عيب الرجاله دايما متسرعين