لو ربنا أعطاك 60 نعمة..هيبقى إيه موقفك ؟!!

في حياتنا عموما رقم ستين ده ممكن بكون حاجة كبيرة

يعني مثلا واحد عنده 60عمارة

أو عنده 60 عربية

أو حتى 60 ابن

رقم كبير مش كده ؟

طيب لو ربنا أعطالك في حياتك كلها ستين نعمة

هتعمل إيه ؟؟


طب لو ربنا قالك أختار إنت ال60 نعمة ؟

هتختار إيه وتترك إيه؟

هتختار إنك تبقى مسلم (النعمة الاولى)

مسلم بيصلي (النعمة التانية)

مسلم بيصوم (النعمة التالتة)

مش بيسرق ولا بينصب ولا بيقتل ولا .......


طب كده الستين هيخلصوا وانت لسه مقلتش ولا نعمة تخليك تعيش

لو قلنا مثلا أهم حاجة إنت عايزها عشان تعيش

الدم

تعرف أن الدم مكون من



بلازما وهى تتكون من ماء وأملاح معدنية وبروتينات
وكربوهيدرات ودهون وفيتامينات وأجسام مضادة وهرمونات وغازات مذابة

كرات الدم البيضاء

كرات الدم الحمراء

الصفائح الدموية

طب تعالى نركز على حاجة واحدة بس



كرات الدم الحمراء


عايزين نتكلم على عددها بس


تعرف إن عدد كرات الدم الحمراء فقط في جسمك

من 5 الى 6 مليووووووووون كرة

يبقى كده خلاص ال 60 نعمة خلصوا وكمان مش مكفي

طيب هل لو كرات الدم دول نقصوا واصبحوا ستين كرة فقط لكى تناسب عدد النعم المتاحة ليك

هتقدر تعيش؟


طبعا لأ

لأن أى نقص بسيط فى عدد كرات الدم الحمراء بيسبب الانيميا

ده لو كان نقص بسيط

لكن من 5 مليون ل60 فقط

بالطبع هذا لن يعيش

وفوق ده كله

إن كل 120 يوم بس

تتكسر هذه الكرات

ويتم إنتاج 5 - 6 مليون كرة أخرى !!

وكل ده بيحصل وأنت مش حاسس بأى حاجة


ده غير نعم تانية مهمة جدا

مثل

الهواء ومافيه من أكسجين وثانى أكسيد الكربون و .....

الجهاز الهضمي بمكوناته

الجهاز التنفسي بمكوناته

الجهاز الدوري بمكوناته


وأجهزة تانية كتييير


طب لو الله عز وجل


أصابك بابتلاء أو 2 أو 3

أو حتى 100 ابتلاء

تذكر ملايين النعم التى أعطاها لك

يعني مثلا لو في واحد أعطى لك مليون جنيه

وعمارات

وقصور

وعربيات

و......


وبعد كده أخذ منك جنيه واحد!!

هتعمل إيه؟


هتقول إنت بتعمل معايا كده ليه؟!!

ولا هتقول أنا مش قادر أعيش و تفكر فى الانتحار وتبقى مخنوق من حياتك؟!!

أكيد لأ


ده أنت ممكن تقوله خذ100 جنيه

1000 جنيه لو عايز



طب ولله المثل الأعلى


ليه مش بنعمل كده مع ربنا