زيدان الفهد المصري .

كنت وعدتكم أعرفكم بنفسى فى اخر مرة دخلت فيها هنا
بس مقدرتش لأن بعدها أتقفل الكتابة بيوميات زيدانوووو
قبل متتفتح تانى وطبعا بموافقة زيدان

أكيد فكرين الأحداث السابقة وهجوم عضو دخل هنا على زيدان
وفكرين البلبلة الى حصلت ودة قبل ما ينزل اعتذار عن الأكاذيب بمواضيعة
وسواء أعترف عن ندم او مغصوب بعد مطالتة أيدينا فبطلب من زيدان قرر
فتح انة ميحصلش اى شئ للولد ولا لأخوة وطلب حتى ميتمش طردة ولا
حذف المواضيع الى نزلها هنا

يمكن لأنى مجاليش نوم طول الليل دخلت أشوف اى حاجة على النت
تهون طول الليل وخاصة ان اسرتى وولادى مش معايا
أحساس صعب انك تكون لوحدك بعد متعودت على دوشة الولاد وخناقتهم مع بعض

فدخلت هنا وابتديت اشوف المواضيع ودخلت على يوميات زيدانووو
وقرئت كل الى اتكتب من اول جديد

حسيت انى عايز اكتب فسجلت أسمى ودخلت
بس مش هنفذ وعدى ليكم وأعرفكم انا مين دة لأن الموضوع اتحل
ومش لازم أقول أنا مين علشان الى كانو بيهاجم زيدان يتأكدو من شخصيتى لانهم اعتذروا فعلا فمش مهم دلوقتى انا مين

لكن الى خلانى أكتب فعلا موضوع رنوة الحب الصامت عن زيدان
يمكن الى يعرف زيدان عن قرب يفهم ان كلام رنوة بيجسد شخصية زيدان

أولا انا مش شاب صغير صحيح لسة شباب بس سنى عدى الاربعين بكام شهر
فلما أتكلم هتكلم عن خبرة مش نتيجة حكم متسرع على شخص

وطالما بنتكلم عن زيدان أو فهد زى محنا عارفينة فطبيعى أننا لازم نعرف حجات أساسية عن شخصيتة وطبعا أنا مش محلل نفسى
لكن دة نتيجة عن تحليلى الشخصى المتواضع

رقم 1 هوة من الشخصيات الى تكرة التواجد فى بؤرة الأحداث او الأضواء
بمعنى انة يحب جدا لو دخل بمكان انة يكون بأخر صف
ولو حصل أجتماع فى الغالب بيكون على أبعد كرسى رغم انة هوة الى هيتكلم
يكرة جدا التصوير وميحبش كلام المدح ولا الشكر
دايما الاماكن الى كنت بشوفة فيها بتكون فيها ظلمة سواء على النيل
او فى اى كافية او مكان عام بيحب الابتعاد عن الاضواء بشكل غريب

رقم 2 كارهة جدا لأستعمال المحمول
الى يعرف زيدان يعرف أنة بيستعمل المحمول او الموبيل بسيط جدا
فلو انت اتصلت بية ومردش لأيام تأكد انة ساب الموبيل وسافر او سابة بالمكتب وموصلة بالشاحن ولما تعرف زيدان مش هتزعل منة لو سابك لأسبوع ترن وميردش لانة فعلا بيكون رامى المحمول فى اى مكان

رقم 3 زيدان مدمن لأكلات الشعبية بطريقة خطيرة
فلو دخلت مكان شيك 7 نجوم وكل الموجودين طلبو أكلات غربية وشرقية وجة الدور على زيدان
متستغربش لو طلب فول وفلافل ومخلل أو كشرى بصلصة مكرونة
وشطة طماطم

ودة طبعا مش تهريج دة حقيقة والغريب انة رغم انة بيكون اقل اكل قدامة لكن كل العيون بتروح على اكلة
ولو حد سئلة عن سبب دة فبيكون اجابتة بحب الاكل دة
وفعلا طريقتة بالاكل السندوتشات تشجعك انك ترمى الطبق الى قدامك باصنافة
وتطلب فول وفلافل وكشرى بصلصة المكرونة الخ الخ

الأغرب من دة كلة انة ممكن بيكون الحساب علية

رقم4 ادمانة لسهر
فممكن تلاقية 3 ايام او 4 او 5صاحى بمنتهى الحيوية والنشاط

رقم 5 ودة حاجة تميز بيها وهىشكلةو طريقة كلامة
صوتة مع طريقتة تحسسك براحة فى التعامل او تحس انك سمعتة قبل كدة
ونفس الحكاية على شكلة
لما تشوفة تحس انك شفتة قبل كدة او تعرفة
او يفكرك بحد تعرفة وفعلا اكتر من حد قدامى قال نفس الكلام

رقم 6 الانطواء الشديد
ودة مقدرش اقول عيب ولا ميزة لان شخصية زيدان نفسها غريبة
فهى ميزة قوية جدا لصالحة
يعنى كم شخص هنا شافة حقيقة او يعرف ملامحة
هتلاقى عدد بسيط جدا

رقم 7 الرومانسية
زيدان من اكتر الشخصيات رومانسية الحزينة فهتلاقية دايما يا بيشوف افلام عربى واسود وخصوصا افلام فاتن حمامة وفيلم لنجيب محفوظ اسمة خان الخليلى تقريبا وطبعا فيلم تيتانيك واى فيلم نهايتة حزينة
تقدر تسئل فية زيدان

لية بقول كدة عنة يمكن لان الانسان البسيط دة لية مفعول السحر على الى حوالية
لانة صانع لعب او حركة فهوة يقدر ينشط الى قدامة ويسيطر على اى جروب مهما كان عددة ويقدر يهديهم ويبطئ الحركة بمنتهى البساطة

وفية شئ غريب جدا انة رغم الذكاء الشديد جدا الى جواة وعلاقاتة الممتازة والى تخلية يتقدم اجتماعيا وماديا بشوية حركة بسيطة بس

تلاقية قانع تماما لحياتة ودة شئ حيرنى كتير
لحد مسئلتة انت لية متستفدش ماديا من افكارك ومواهبك وشرحت لية كأخ اكبر الحياة والمسئولية الخ الخ
ردة على كلامى كان صدمة مستوعبتهاش الا بعد فترة من علاقتنا

قال بمنهتى البساطة انا مبعرفش لو معايا فلوس اعمل بيها اية

يمكن مفهمتش قصدة من كلامة لانى مش متخيل انسان ميعرفش يعمل بالفلوس اية على الاقل لو مستثمرهاش يستمتع بيها

بس كل متعرف زيدان عن قرب تلاقية رغم الصورة الى تخدها عنة او تسمع من الى حوالية عنة تلاقية بمنتهى البساطة
فلو زارك فى بيتك ممكن ميتحركش من مكانة مهما القعدة طولت
لو طلبت منة يشرب اية بعد الالحاح هيطلب خمسينة شاى كشري
يعنى شاى كشرى فى كوب زجاج مش مج مثلا
ومتزعلش لما يسيب نص الشاى بتاعة او حتى كل الكوباية لانك هتتعود منة على كدة يدوبك يتذوق فقط الطعم

وطبعا لو عايز تعمل مفاجاءة لية او تجبلة هدية خلى بالك
زيدان بيحتفظ بالهدايا ومبيستعملهاش ابدا
فلو جبت اى شئ مثلا زجاجة برفان ومر سنتين ومعندكش برفان
ممكن تتصل بزيدان لو رد عليك طبعا وتطلب الزجاجة بتاعتك
واطمن هوة بيكون كاتب اليوم والمناسبة واسم الشخصية
فمش ممكن تتلخبط هديتك مع باقى الهدايا

دة زيدان ودية بعض ملامح من شخصيتة
لكن نفس الشخص الى وصفتة رنوة الحب الصامت بالغامض رغم انها تعرفة حقيقة

مرعب وخطير وسريع البديهة

نفس الشخص البسيط هتلاقية دارس ممتاز لأحدث انواع الدراسات الأستراتيجية العسكرية وقارئ رهيب لكل كتب المخابرات او الحروب وطبعا الحرب العالمية الثانية
لانة فعلا مدمن لدراستها

نفس الشخص البسيط عندة سريعة بديهة لو جربتها بموقف تحس بخوف منة قبل متعرف انة موهوب فعلا بدة

نفس الانسان الى كون مجموعة من مختلف الشخصيات وعمل قصص لو قلتها يمكن محدش يصدقها لكنها ممكن يجى يوم تدرس ازاى استعمل النت لاهداف نبيلة جدا وازاى نجح بالسيطرة على المئات
وأنقذ شباب وبنات من الفضيحة وضياع مستقبلهم

زيدان او الفهد المصرى حدوتة مصرية شاب من ضمن ألاف الشباب المصرى الى لو وجدو فرصة حقيقية هيطلعو عبقرياتهم وهيورو العالم معنى كلمة مصرى

نسيت أقلكم معلومة بسيطة جدا ان الفهد المصرى عندة نقطة ضعف ناحية المجموعة 36 قتال وقائدها الشهيد أبراهيم الرفاعى
دوروا على عمليات المجموعة وهتعرفو بطولاتها
وهتعرفو ان زيدان عندة ادمان وحب وجنون بشخصية ابراهيم الرفاعى
وممكن ابالغ لو قلت انة بيتمنى لو كان هوة ابراهيم الرفاعى من شدة اعجابة بية

انا اخدت وقت طويل بالكتابة
والساعة داخلة على 8 الا عشرة
وورايا شغل كنت حابب اكتب كمان بس مش هلحق نكمل بوقت تانى
بس الى عايز اقولة قبل ما أسيبكم ان زيدان لة جميل العمر برقبتى
ولسة هوة مش مدينى الفرصة أرد الدين لية

وأسف لو كان دمى تقيل بالكتابة على قلبكم

أشوفكم قريب

» فى مثل هذا اليوم 24 من مايو 1571م دخل العثمانيون موسكو
» هيئة البترول بغزة : الامن المصري يشدد من اجراءاته على الانفاق ..ازمة في السولار المصري بغزة
» زيدان

زيدان الفهد المصري .

زيدان الفهد المصري . :: تعاليق

زيدان الفهد المصري .

مواضيع مماثلة

مواضيع مماثلة