قصة واقعية

موضوع: قصة واقعية الأربعاء مايو 04, 2011 9:57 pm

قبل سنه تقريبا
يوم انا بصف ثالث ثانوي انا من طبعي انسان مرح ومشاغب واغلبيت المدرسه
يحبوني على بداياتي على النت كان قبل سنه عرفت لنت وتعلمت عليه المهم دخلت
شات معروفه المهم كنت انكت واضحك واستهبل بالناس بالشات وبيوم من الايام شد
انتباهي نك بالشات والنك هذا نك بنت بطريقتي الخاصه تعرفت عليه وكلمته
بالشات وبصرحه البنت اهبلتني تدعي على نفسها بالموت قلت لها ليش كذا مارضت
تقولي قالت لي ياليت اموت احسن لي انا اول مره بحياتي اشوف بنت تدعي على
نفسه قلت له ليش اصريت عليها وقالت لي البنت بقولك وياليت تلاقي لي حل قلت
لها ابشري يابنت الاجواد قالت لي شوف انا تعرفت على واحد بالشات وصرت اكلمه
بالايميل وبالجوال وحبيته وحبني

واستمرت علاقتنا بالايميل وانا وثقت به وهو طلب مني طلب وقالي وريني صورتك
ووريته صورتي وبعد ايام طلب مني الصوره وارسلت له صورتي بالماسن بس الولد
طلع حيوووان قالي انا ما احبك يااغبيه وانتي صرتي خاتم بيدي وراح تسوين
اللي ابي والا بفضحك وقالت لي بعد ان ال************ الحقير يهدنني يقولي
اطلعي معاي وانا رفضت لاني ما ابي افضح اهلي وهو الحين يهددني وانا ما ادري
وش اسوي وابي حل لمشكلتي

انا قلت لها طيب انتي عندك اخوان قولي لا اخوانك قالت للاسف اخواني صغار
قلت طيب الحل بسيط بس بسالك وسالتها قلت لها طيب هو الحقير اللي يهددك
يكلمك بالجوال كثير قالت لي لا كلمته بالجوال حوالي اربع مرات بس قلت انا
طيب اقولك الحل هما الحقير يقولك اطلعي معاه خلاص قولي له بطلع معاك بس مو
انتي اللي بتقابلينه انا اللي بقابله وبيشوفني ولد وبقوله انا سحبتك بصوت
بنت ياغبي والصوره اللي عندك انا اخذها من النت ومرسلها لك وبكذا بينصدم
وبيتاكد مليون بالميه اني مجرد ولد وسحبته بصوت بنت ومن ناحية الصوره هو
راح يمسحها بنفسه ع طول لانه تاكد اني مجرد ولد وسحتبه بصوت بنت

البنت قالت لي بس صعبه وبعدين من انت علشان تساعدني رديت عليها انا وقلت
انا يابنت الاجواد اخوك اللي ماجابته امك ردت البنت وقالت لي وشلون اوثق
فيك قلت لها معك حق وقلت لها علشان توثقين اني بساعدك بقولك اشياء عني
وعلمت البنت كل شيء عني مثل اسمي الكامل ووين ساكن وكل شيء قالت لي البنت
وش يثبت لك ان اسمك صحيح رديت عليها وعطيتها رقم بطاقتي الشخصيه السجل قالت
لي يمكنه من عندك قلت لها شوفي اذا ودك تصدقين ادخلي موقع وزارة الدخليه
ودخلي اسمي ورقم البطاقه بالمخالفات المروريه وراح تلاقين ان علي مخالفه
بقيمة 600 ريال لم تسدد وفعلا البنت سوت اللي قلت لها انا وقالت صحيح
وتاسفت مني قالت لي يعني انت لو بمكاني كان خفت قلت معك حق يابنت الناس

المهم انا قلت للبنت واتفقت معها انها تواعد الحقير وتقول له خلاص بطلع
معاك وتواعده بمكان عام مثل السوق وتقول له له ان السواق بينزلن بالسوق
وانت تجي وتاخذن من السوق وقلت لها انا اسالي الحقير قولي له وش سيارتك
مواصفتها واتركي الباقي علي

البنت قالت لي وشولون القاك علشان اقولك قلت لها تلاقيني بالشات بنفس الوقت
قالت يمكن ما القاك عطن ايميلك وعطيتها ايميلي المهم البنت علمتني
بالايميل عن متى ووين مكان الوعد اللي واعدت به الحقير بس طلعت مشكله صغيره
انا واعوذ بالله من كلمة انا احسب البنت من نفس مدينتي بس للاسف طلعت
البنت مو من مدينتي من مدينة قريبه من مدينتي لاني كنت بروح بقابل الحقير
لوحدي بس من شفت انها مو من مدينتي اخذت معاي اصحابي بالمدرسه سيف ومحمد
اللي هم اعز اصحابي والبنت اخذت رقم جوالي

علشان هي تكلم الولد وترد علي

المهم رحنا قبل الموعد بساعتين انا وسيف ومحمد المهم وصلنا

يالله بالله دلينا المكان من وصلنا وقفنا بالسياره وشفنا الحقير توه واقف
بسيارته انا قلت لاصحابي سيف ومحمد انا بنزل له واذا صار شيء لا اوصيكم
المهم نزلت عليه وعلى طول فتحت باب سيارته ونزلته قلت له وش عندك هنا بدون
سلام قال لي من انت ووش تبي قلت لها انا اللي اللي انت تنتظرني انا اللي
سحبتك بصوت بنت انا اللي تهددني بالصوره اللي انا اخذته من النت وارسلتها
لك ياغبي وانت مخفه وانا ماجيت اقابلك الا علشان اطيح وجهك من قلت له
الكلام هذا الحقير انصدم حييييل ما يدري وش يقول وقعد يسبني ومادريت الا
سيارتين وقفن اصحاب الحقير بيضربوني وسيف ومحمد نزلوا وتضاربنا انا وسيف
ومحمد علينا سته منب قايل لكم اني ضربتهم لا لانهم اكثر منا والكثره تغلب
الشجاعة بس ماقصرت فيهم وكل الناس بالسوق تجمعوا علينا والزحمه ويالله
بالله فرقونا وعلى طول ركبنا السياره ورجعنا لبيوتنا نمشي مليون ونضحك على
بعضنا انا مفلوق مع راسي وسيف وجهه مخمش ومحمد رايح فيها ووصلنا وتفرقنا
وانا كنت ما ابي ادخل البيت علشان ما ابي امي تشوفني لان راسي دم وثوبي
وحالتي حاله المهم دخلت البيت متسلل نفس الحرامي اذا جاء بيصرق ورحت لغرفتي
وكان جوالي طافي من البطاريه المهم شحنت الجوال وبدلت ملابسي وشغلت الجوال
ولقيت رساله من البنت تقولي رجاء رد ليش مقفل جوالك المهم اخذت شوي ودقت
علي البنت قالت لي رجاء ها قولي وش صار قلت لها ابشرك انحلت المشلكله قالت
لي البنت واهبلتني قالت لاتقول شيء طمني عليك وعلى راسك وانا شفت كل شيء
بعيني انت رجال بمعنى الكلمه وقالت لي كل الاحداث اللي صارت انا انهبلت قلت
لها وانتي وش دراك قالت لي شوف انا وبنت خالتي كنا موجودات وكنا بالسياره
مع السواق وشفنا كل شيء وقالت لي انت انسان مافيه مثلك احد ولا راح اشوف
احد مثلك وقالت لي ما راح انسى لك المعروف هذا ابد وراح ادعي لك كل ما اصلي
المهم انا قلت لها يابنت الناس انا ماسويت شيء وانتي مثل اختي والناس لناس
والكل بالله وقلت لها انتبهي على نفسك وهذا درس لك وان شاء الله انك
تعلمتي من الدرس هذا المهم اني ودعتها بنفس المكالمه والى يومك هذا ما ادري
عنها والله يستر عليها وانا نزلت القصه علشان ابي كل بنت تنتبه على نفسها
وتنتبه على اغلا شيء تملكه وهو شرفها وسمعت اهلها

» قصة واقعية ,,
» قصه واقعية مؤثرة-أبو خالد
» مأخوذة عن قصة واقعية * ( الحب المستحيل )