آه من الفراق !!

موضوع: آه من الفراق !! الخميس أكتوبر 21, 2010 2:43 am

آه من الفراق ... دى اللحظة الوحيدة اللى مفيش حد بيتمنى انه يعيشها ... لكن على الرغم من كدة بنعيشها بطرق مختلفة ... وفعلا دى اكتر حاجة بتوجع الانسان ويمكن لما بيعيش لحظة الفراق بيحس وقتها انها نهاية الكون....
لكن هل فراق الحبيب والحبيبة ممكن يكون انفصال مشاعر بس ... ممكن لو افترقوا انهم يفضلوا مع بعض بحجة ان الحب انتهى واللى بيربطهم بس صداقة ....
ولا هما كدة بيحاولو يكذبو على نفسهم عشان يفضلو مع بعض بس ...
والسؤال هل ممكن للحب ان يتحول الى صداقة بجد ولا دى كذبة بنضحك بيها على نفسنا ؟؟؟؟
وهل ممكن للحبيب اللى كان بالنسبة لنا الدنيا وما فيها انه يبقى جزء فقط من الدنيا ؟؟؟
هل ممكن بعد كدة ان تتحول مشاعر الحب اللى جواك لصداقة ؟؟؟
واذا نجحت او اصابك وهم النجاح فى هذه المشاعر هتعمل ايه لما تحس ان حبيبك وحشك اوى وان جواك ليه شوق وحنين ونفسك تقوله بحبك او وحشتنى ؟؟؟
وهل ممكن بعد ما تنظر للشخص بنظرة الحبيب تعود لتنظر اليه نظرة الصديق مع اختلافهما شدة الاختلاف ؟؟؟
مستنية ردودكم على الموضوع

كعادتك دايما يا توتة طرحتى موضوع شيق ومهم وفية معانى بين كل سطر وكلمة موضوعك انا متاكد انة هيزيد على حالة الى عملها موضوعك الاول . طرحتى موضوع فية أسئلة كتير جدا جدا وفية مناقشات طويلة ممكن نتفق او نختلف فى ألاراء حولها بس هسيب ألاعضاء يقولو أرئهم فى الاول أستفيد منهم وأقول رائى وبكرر تحياتى لشخصك وقلمك الرائع وأمنياتى بمزيد من أبهار أعيننا بقلمك

بجد يا توتة افكارك حلوة وفعلا زى مقال الادمن فية اسئلة كتيرة وكل سؤال عايز مناقشة لوحدها بس انا شايف باختصار الحب مينفعش يتحول لصداقة الا لو فى العمل لان دة هيكون غصبا عننا فى التعامل اما لو الاحباب افترقو لاى سبب انا شايف الى بيحب بجد مبينساش وبيفضل شايل حبيبة جواة ولو بعدت عن حبيبى ووحشنى هعمل اى حاجة اشوفة بيها حتى لو من بعيد بس يكون سبب بعدنا اصلا مش مننا من الاهل او اكون غلط فى حقة وهوة بعد اما لو هوة بعد عنى وهوة الى غلطان او خان حبى لية فبصراحة مش هحتاج افتكرة اصلا وهوفر تفكيرى فية اتمنى الى شايفة فى الموضوع يلاقى ردكم وبجد يا توتة انتى مفاجاءة لينا كلنا بموضوعاتك ويا ريت تكترى مش موضوع بس كدة كترى ممكن وشكرا لقلمك

بجد انتى افكارك حلوة الموضوع كبير وعايز مناقشات بس اول حاجة الحب عمرة ميتحول لصداقة مهما كان دة راى وشكرا ليكم كلكم

tota كتب:: آه من الفراق ... دى اللحظة الوحيدة اللى مفيش حد بيتمنى انه يعيشها ... لكن على الرغم من كدة بنعيشها بطرق مختلفة ... وفعلا دى اكتر حاجة بتوجع الانسان ويمكن لما بيعيش لحظة الفراق بيحس وقتها انها نهاية الكون....
لكن هل فراق الحبيب والحبيبة ممكن يكون انفصال مشاعر بس ... ممكن لو افترقوا انهم يفضلوا مع بعض بحجة ان الحب انتهى واللى بيربطهم بس صداقة ....
ولا هما كدة بيحاولو يكذبو على نفسهم عشان يفضلو مع بعض بس ...
والسؤال هل ممكن للحب ان يتحول الى صداقة بجد ولا دى كذبة بنضحك بيها على نفسنا ؟؟؟؟
وهل ممكن للحبيب اللى كان بالنسبة لنا الدنيا وما فيها انه يبقى جزء فقط من الدنيا ؟؟؟
هل ممكن بعد كدة ان تتحول مشاعر الحب اللى جواك لصداقة ؟؟؟
واذا نجحت او اصابك وهم النجاح فى هذه المشاعر هتعمل ايه لما تحس ان حبيبك وحشك اوى وان جواك ليه شوق وحنين ونفسك تقوله بحبك او وحشتنى ؟؟؟
وهل ممكن بعد ما تنظر للشخص بنظرة الحبيب تعود لتنظر اليه نظرة الصديق مع اختلافهما شدة الاختلاف ؟؟؟
مستنية ردودكم على الموضوع

موضوعك موضوع يا توتة بس انا لو حبيبى بعد عنى مش ممكن اكلمة او اعرفة وحتى لو كنا بعمل ممكن اسيبة بسببة لان صعب اشوفة تانى عادى وبعدين يا توتة عايزين نعرف رائيك انتى مش رائينا بس وبجد مبسوطة من مواضيعك جدا

للحب أسباب .. وللفراق أسباب..
فلو كانت أسباب الحب أقوى ، ما كان هناك فراق
ولو تغلبت أسباب الفراق .. فحتما ما كان هناك حب
فلابد من النظر إلى الأسباب بعين العقل .. لا بمنظار القلب .
الراشد

موضوعك حلو اوي يا توتة بس انا اعتقد انو صعب الحب يتحول لصداقة وفي انتضار المزيد من موضوعاتك

انا بجد بشكركم كلكم على ردودكم ومشاركتكم بس فعلا اكتر حاجة مبسوطة منها اوى ان الكل اجمع ان الحب مستحيل يتحول لصداقة وانا فعلا ده رأيى ان الصداقة ممكن ترتقى وتكون حب لكن الحب لا يمكن ان يتراجع ليكون صداقة ...
اما عن رد الراشد فمن الواضح ان الاسم على مسمى بمعنى ان الرد فعلا قاسى جدا لان ممكن جدا يكون الحب موجود بس تضطرنا الظروف ان نتخلى عن الحب ولو حتى لفترة مؤقتة .....
والموضوع ده من الحاجات اللى مينفعش نستخدم فيها عقلنا بس بالعكس ممكن نستخدم قلبنا واكيد هيريحنا كتير اوى ....
مستنية التعليق منكم

ازيك توتا اولا موضوعك جميل وفعلا موجود ف حياتناوالموضوع ده بصراحه كده عايزه قاعده بصي ياستي اول شيء هو فعلا كان بينهم حب جديعني ولا مجرد اعجاب وتعود؟؟؟؟يعني الفراق هنا هيختلف كما هما ايه اللي فرقهم يعني ظروف مثلا خارجه عنهم ولا حد اكتشف حاجه عن التاني فقرر الفراق والبعد نهائي لاني الفراق ف الوقت ده كان بالنسباله الدوا مش المرض فهماني عايزه اقول ايه ؟؟؟يعني لو حد حس بالخيانه من احد الاطراف ينفع يفضل يحبه ويستمر معاه ولايفوق من صدمته ويبص تحت رجليه يشوف نفسه واقف فين هو طبعا بشكل عام الفراق صعب بس لو كان الموضوع انتهي علي شيئ يجر اكيدهيتحمل الفراق لان الجرح اكبر ولاايه ؟؟؟؟الحب ممكن يتحول لصداقه بس لو احد الاطراف قرر ده لو ان برده هيكون الموضوع حساس ف البدايه والطرف الاضعف فيهم طبعا هيحاول يأثر علي الاقوي ويبقي عايز يرجعه له

معلش طولت عليكي والله عندي كلام كتير بس مش عايزه اصدعك

تحيـــــــــــــــــــــــــــــــــاتي

الكلمة الحرة كتب:: ازيك توتا اولا موضوعك جميل وفعلا موجود ف حياتناوالموضوع ده بصراحه كده عايزه قاعده بصي ياستي اول شيء هو فعلا كان بينهم حب جديعني ولا مجرد اعجاب وتعود؟؟؟؟يعني الفراق هنا هيختلف كما هما ايه اللي فرقهم يعني ظروف مثلا خارجه عنهم ولا حد اكتشف حاجه عن التاني فقرر الفراق والبعد نهائي لاني الفراق ف الوقت ده كان بالنسباله الدوا مش المرض فهماني عايزه اقول ايه ؟؟؟يعني لو حد حس بالخيانه من احد الاطراف ينفع يفضل يحبه ويستمر معاه ولايفوق من صدمته ويبص تحت رجليه يشوف نفسه واقف فين هو طبعا بشكل عام الفراق صعب بس لو كان الموضوع انتهي علي شيئ يجر اكيدهيتحمل الفراق لان الجرح اكبر ولاايه ؟؟؟؟الحب ممكن يتحول لصداقه بس لو احد الاطراف قرر ده لو ان برده هيكون الموضوع حساس ف البدايه والطرف الاضعف فيهم طبعا هيحاول يأثر علي الاقوي ويبقي عايز يرجعه له

معلش طولت عليكي والله عندي كلام كتير بس مش عايزه اصدعك

تحيـــــــــــــــــــــــــــــــــاتي

كلامك جميل جدا وشايف الموضوع من زوايا كتير بس الفراق اللى اقصده الخارج عن الارادة يعنى عوامل خارجية الظروف المحيطة او الاهل او ان الاتنين مشاكلهم بقت خارج السيطرة فيقرروا انهم ينفصلو فاهمنى وممكن يكون فى اسباب تانية كتير ...
بس انا بختلف معاك ان الحب مش ممكن يكون صداقة..
وعلى فكة انا احب جدا اسمع كلامك الكتير ومتخافش مش هصدع...
بحييك

أولا بحييكى يا توتة على نشاطك الملحوظ مع قلة دخولك المنتدى لكن بمجرد دخولك بيتحول لنشاط فلكى منى التحية .أما بخصوص الموضوع فأنا أنتظرت معرفة أراء زملائى أستفيد منهم قبل ما ابدى اى رائ وفعلا أنا متفق أن لو كان حب صادق أستحالة يتحول لاى شئ أخر . اما اذ تحول لصداقة فبعتقد انة لم يكن حب بالاساس ورغم هذا علمتنا الدنيا ان كل القواعد والاسس تنكسر فى احيان فربما من احبو بعضهم بصدق ياتى يوم ليتعاملو ليس كاصدقاء بلا اخوة ولكن يبقى السؤال هل فى تعاملهم كزملاء او اصدقاء او اخوة مشاعرهم الداخلية للطرف الاخر انتهت اما ان بركان الحب قابل لاشتعال مرة اخرى وبشكر مجهودك وبشكر الاعضاء ككل على مشاركتهم الفعالة

موضوعك الحب والفراق ..
الحب والصداقة

موضوع شائك ومعقد، لأنه يتعامل مع النفس البشرية التي هي أكثر تعقيداً

غالباً مايرى الناس أن نهاية الحب هي الزواج
وهذه نهاية طبيعية ومتوقعة
ولابد أن تكون هي الغاية من أي علاقة جادة

لكن هناك نوع من الحب
وهو الحب المستحيل أن ينتهي بزواج
هذا الحب ينحصر في علاقة نفسية أو روحية فقط
لا علاقة له بالجسد على الإطلاق .

مثال ذلك :
علاقة الحب الفريدة التي جمعت الشاعر الكبير أحمد رامي ـ شاعر الشباب وسيدة الغناء العربي كوكب الشرق أم كلثوم
كان من ضروب المستحيل زواجهما
ورغم هذا المستحيل بقي الحب واثمر أجمل الكلمات وأرقها
على الأقل من طرف شاعرنا

يحكى .. أنهما تخاصما
وجمعتهما الصدفة على سلم الإذاعة المصرية
أحمد رامي نازل .. وكوكب الشرق صاعدة
فوقف أحمد رامي .. منتظراً صعودها
فأفسحت له السيدة أم كلثوم الطريق لينزل قائلة : اتفضل انزل
فرد عليها الرد الذي ينبض حباً ويصرخ وجداً :
كيف أنزل وأنا روحي طالعة؟
فاحتضنته السيدة أم كلثوم وتصالحا.

يا لروعة المحب العاشق المثقف الفنان الشاعر
المتمكن من ناصية اللغة

إضافة إلى ذلك أن فصص العاشقين التي خلدها التاريخ
وروتها الأدبيات لم تنته بزواج
مثل قيس وليلى .. من أدبنا العربي
وفي الأدب الأجنبي روميو وجولييت

أخلص من كل هذا أن الفراق لا يقتل الحب
فالحب الصادق يبقى ولو افترق الحبيبان
حب تعيش به النفس وتسمو به الروح

ولا حاجة لنا لحب يموت

شكرا
الراشد

اعتقد انو كثيييييييييييييير كثيير صعب انو الحب يتحول لصدااقة وصعب انو حبيبي اللي دايما كنت احسه جزء مني واعتبره كل حيااتي انظرلو بنظرة صدااقة او اخوه هذا راي المتواضع تقبلي مروري توتة الف تحية

» الفراق
» مااصعب الفراق
» آآآهٍ من داء الفراق