تأكد حبك بقلبي لآخر ماتروح الروحــ

تعبت وخطوتي تاهت وتاهت في خطاك الروح
تعبت أنشد عن دروبك ولاادري وين وداني

عجزت أحكي لك احساسي واترجم لهفتي بالبوح
عجزت إني أعيش بصمت إلى من طال يذبحني

حبيبي شفت هالدنيا بها ناس تجي وتروح
ماهز القلب وأحتله ياكود إنسان يسكني

حبيبي كم أنا أعاني وأقاسي من ظما وجروح
وأذوق الويل لامني بعد ماالقاك تجهلني

قسم باللي خلق ذاتي وخلى في الجسد هالروح
قسم باللي ليا من مت وصرت عظام يجمعني

قسم باللي له القدره وحافظ مصحفه باللوح
قسم باللي ليا من ضقت طلبت ارجاه يرحمني

أحبك والغلا صادق ماهو لعب وسلا ومزوح
نزل دمعي نزف جرحي وذاك الشوق عذبني

أحس الكون في عيني فنى وماعاد له مصلوح
إذا في يوم اللي أحبه جار وصار يهجرني

أنا لامن كتبت وهمت حكي حب غدى مذبوح
صرخ دمه بدون شعور كفى بالله أفهمني

وإذا أسهرت لك عيني شكى جفن رثاه النوح
نقش دمعه على خدي كتب وشلون تحرمني

حبيبي جالك إحساسي على صافي نقا ووضوح
كتبته قبل ما يومي تجي الأقدار ويكتبني

وإذا قلبي خطا أعذر وقول أني بعد مدموح
وإذا حبي معك قصرأمانه منك سامحني

أبكتم وأحتضر لكن بقول إنك ترى مسموح
وأبخفي "عبرتي" فعيني قبل دنياي تعدمني

وتأكد حبك بقلبي لآخر ماتروح الروح

» دائما انت بقلبي
» انتظرت بقلبي الولهان
» ..’’ أبدفـن حزني بقلبي وأجاري.. غيبتك بــ غياب ’’..