البدء بتطوير موقع قلب الحياة (1)

لهلوبة حبيبة قلبي

انا معاكي و رهن اشارتك وموافقاكي بكل كلامك بس ليا كدة كام ملاحظة لو تسمحي على حكاية المشرفين القدام

انا من شهور طويلة ايام مكانت الادمن نوال المغربي هنا كلمتني وقلتلي الدكتورة ماجدة عايزة تكلم المشرفة السابقة الكلمة الحرة وتسئلها عن صاحبتها همس النسائم و طوق الياسمين ونور الصباح تقريبا

ومعرفش يا لهلوبة تعرفي الدكتورة ماجدة ولالا بس اكيد سمعتي عنها وانا كمان مكنتش اعرفها شخصيا المهم

قلتلها طيب هو مش فيه ميل هنا خاص بيها متكلموها فقالت الادمن نوال ليا لا بنراسلها مش بنرد و الدكتورة ماجدة عايزاها شخصيا تقدري تساعديني وانتي من الاتحاد واكيد ليكم طرق تعرفو بيها وتوصلو بيها ليها قلتلها تحت امرك

وفات كام يوم ونسيت خالص ولقيت الادمن نوال بتسئلني واعتذرت ليها ووعدتها هتصرف وفعلا يا لهلوبة كلمت كذا حد من اصدقائنا بالاتحاد ومنهم عبير الشتاء اكيد حضرتك تعرفيها ووعدتني هتساعدني وهو يوم كان عندي اميلها الجديد ورقم تليفونها و حسابها على الفيس بوك ومواعيد تواجدها على النت

المهم انا مش بتصل بحد فون نهائي فقلت اكلمها فيس بوك وكلمتها ولقتها اتخضت واترعبت واترعشت وقالت عرفتو توصلو للحساب دة ازاي و جبتو منين الاميل الجديد وانتو مين فكلمتها براحة جدا وفهمتها اني من قلب الحياة و ان الدكتورة ماجدة عايزاها فقلتلي وازاي وصلتي ليا المهم فين وفين قلتلي طيب لما هفضي ابقا ادخل قلتلها طيب اقول لدكتورة ماجدة ايه
قلتلي قوللها اني مشغولة ولما افضي هدخل واشوف عايزة ايه وسئلتها عن صحبتها قلتلي معرفش عنهم حاجة

قلتلها طيب ديه ست اكبر مننا اروح اقلها كدة ؟ طيب كلميها انتي وابعتلها مسج انك مشغولة حتي يبقا فيها تقدير

لقيت طريقتها واساوبها معجبونيش ومش زي مكنت متخيله انها هتكون لاني كنت معجبة جدا بمواضيعها القديمة ولسه شايفاها من احلي المواضيع هنا

فقلتها دة بصراحة انا مكنتش متخيلاكي هتتكلمي كدة معايا فتهكمت على دة وفضلت معلش قلة رباية مني وحجات مفهمتهاش خالص

وبنهاية قفلت معاها وتاني يوم عملتلي بلوك هههههههههههههههههههههههههههههه

وطبعا قلت للادمن نوال الي حصل وبعتت للدكتورة ماجدة واتصدمت من طريقتها

هى يمكن خافت من اننا عرفنا كل حاجة عنها وكل حركتها رغم اني قلتلها اني من تلاميذ زدانو وهي نفسها قالت زادنو هو الي وصلكم لطريقي قلتلها هو يعرف اميلك الجديد قالت لا قلتلها يبقا وصلنا ليكي ازاي ؟ ومع هذا انا بقالي سنتين مشفتهوش بس بنهاية كانت طريقتها معايا مش مناسبة خصوصا اني جايلها برسالة من الدكتورة ماجدة و من الادمن نوال

ارجع لنقطة تانية حضرتك بعتيلي اني اتواصل مع ابو خالد شعبان عشان الموقع الجديد التعليمي المجاني

كلمته فداني رقم فونه اكلمه وانا طبعا من المحاذير التواصل مع اي شخص من خارج قائمة الاتحاد فون او اي شخص من النت عموما حتي لو كانو بنات لاني بحارب الاخوان فيس ومهيجه الدنيا عليهم

فقلتله ممكن تكلم الادارة جوة المنتدي فقالي خليهم يكلموني قلتله الادارة مدام لهلوبة ومش هتتصل بحد ومتزعليش انا اتصرفت من نفسي وعلى لسانك

فقالي يبقا خلاص مش هشترك

مع انه ايام الادمن نو المغربي كان بيتحايل عليا اسبوعيا وعلى مدار شهور انه يكلم حد من الادارة وكانت نوال دايما مشغولة ومعرفش ايه موقفه دة

بخصوص الاستاذ احمد المنداروي هو اتهمني من خلال محادثتنا على الفيس اني كتبت كلام سئ بحقه ودخلت اعضاء يهاجموه ودة محصلش وبعت لجدو عبرنا القنال صورة من المحادثات و المناقشات ورغم ان الاستاذ احمد كان بيكلمني من شهوووووور ومشفش مني اي تجاوز الا اني بريئة من اتهاماته ليا

وطلب مهم لهلوبة

افتحي الباب قدام ولاد مجموعات الاتحاد ينضمو لينا بدل مكان زدانو قافل الاي بي من عليهم افتحيه ودخليهم هما دول المخلصين بجد الي هيموتو نفسهم عشان اهدافنا وعشان نحقق كل الي عايزينه

وبس خلاص وانا رهن اشارتك ومحضرة كام بنوتة هينضمو للموقع البناتي النسائي بتاعنا

وبخصوص الموقع الازهري اتفقت مع شخصيات ازهرية قوية جدا تتدير موقعنا الاسلامي

ولو عايزاني ابدء بحشد الاعضاء لقلب الحياة او لاي موقع عايزاه اطلبي وهنفذ بالحال

و عاش الاتحاد وعاشت لهلوبة

انتهي