سـلـسلة الـخـبـرات الحـيـاتـيـة اولا :(النقاب )

اهلا بكل اعضاء منتدى قلب الحياة والسادة الزوار وبعد غياب ليس بقليل عدت معكم بسلسلة موضوعات رائعة

فى برنامج سلسلة الخبرات الحياتية سوف اتطرق لبعض المظاهر التى يرا البعض انها غريب او يختلف عليها

البعض وده طبعا بيكون من خلال شخصية عاشت خلال التجربة دى .......

وتبداء سلسلتى بفضل الله تعالى مع (الـنـــقــاب) ....

اختلف علماء الامة وعامة الناس على النقاب هو سنُة ولا فريضة .....وتختلف الادلة البراهين .. ولكن اليوم جئت

لكم تجربة فعلية لاخت منقبة وقصتها مع النقاب ومصادفات ومضايقات لانها منقبة

هى لم ارد ذكر اسمها ولذا سوف رمز لها باسم ( المحبة) وهى كذلك بالفعل فى

خلقها وتربيتها ............

هى فتاة متوسطة الحال من اسرة عادية غير متشددة وهى خريجة ثانوى صناعى وحاليا

بفضل الله فى معهد فنى صناعى وهى ارتدت النقاب برغبة منها هى وليس اجبارى

وهى تحكى وتقول ... بدايتى مع نقابى :

كنت فى عمر الـ 15 سنه كنت فى اجازه 3 اعدادى بالضبط ارتديته يوم

17/7/2008 عائلتى عاديين خااااالص عانيت كثيراً من اهلى ومن ابى ومن امى

فـبقـدرحبى لله لا اتذكر سمعنا ايه

( خطبة اوبرنامج دينى) كنت انا وامى جالسين على السرير نتكلم وقولت لها سمعتى يا

امى خطيئتى فى رقبتك اذا توفانى الله وانا لم ارتدى النقاب ...مع العلم ان امى كانت

منتقبه ولكنها كانت ترفض بشــده تقول هى وابى بعد خطوبتك او بعد زواجك ابقى

اعملى الى انتى عاوزاه ولكن عندما قلت لها خطيئتى فى رقبتك خافت وقالتلى مليش دعوه

روحى البسيه(النقاب) بعيد عنى بهذا اللفظ متحملنيش وزرك مصدقت طبعا ومع العلم انى

كنت بنت روووووشه جداااااااااااااااااااااا كانت امى واختى هااا شويه فى الدين عنى

كتييييير كنت من افظع البنات ولكن لله الحمد على كل حال واسال الله ان يغفر لى

المهم ارتديت نقاب من نقابات امى ونزلت بيه بسرعه قبل ما ترجع فى كلامها وطبعا

الخوف الاكبر من ابى وسبحان من حول قلبه ابى يقول الكلمه لا يرجع فيها ابدااا فهو

فاتح محل جمله فروحت اوديله الغداء وقبل ما انزل قلت لامى لازم تتصلى بيه انا هيبقى

شكلى وحش اوى لو نزلت بالنقاب ورجعت من غيره المهم اتصلت بيه وقالت له

متزعقش لـ(محبة ).... لما تيجيى قالها ليه قالتله بس متزعقلهاش وخلاص ولما تيجيى

انتا هتعرف ونزلت بالفعل ورحت له وبصلى ومعرفنيش فى الاول ولما رحت وقعدت

على المكتب قعد يبص ليا اووى وانا كنت خااااايفه وفى نفس الوقت هنننفجر من الضحك

(هههههههههه) المهم عرفنى قالى بعصبية احنا مش قلنا لسه بدرى قلتله بس براحه بدرى

على ايه انا ضامنه عمرى محدش ضامن عمره وبعدين يا بــابـــا انا مش هسمع كلامك

انا هسمع كلام ربى ونبيى واقتدى بزوجات النبى انا معرفش جبت الجرائــة دى منين

قدامه المهم استجاب للامر وكان متضايق اوووووووى والحمد لله الان فخور بى وباختى

ملحوظة (اختى ايضا مكنتش منتقبه ارتدته باليل فى نفس اليوم ) بس انا اللى اخدت

الزعيق مش مهم مكنتش راضيه تلبسه لانها بتخاف من المنتقبين لانها حلمت انهم بيجروا

وراها (هههههههه) مع العلم انها اكبر منى هى الان فى رابعه كليه وارتدته ونزلنا

المسجد كان فى درس .....عماتى وعمى وخالاتى وخيلانى وجدى كـل العائله كانوا

ضدى جداااااااااااااااااااا وكانوا بيحسبوا ان امى هيا اللى خلتنا نلبس النقاب لكن واجهت

كل ده بفضل الله تعالى لا انكر انى كنت فى اول النقاب كنت بلبس لبسى العادى على

النقاب بس كان لبس فضفاض والشيطان دخلى واهتزيت ورجعت للاغانى والمسلسلات

والافلام تانى اختى ساعتها تدينت اكثر منى بكثييييييييير وكانت بتنصحنى كتير ولكن انا

كنت مدمنه لهذه الاشياء وطبعا للاسف هيا كمان كانت بتقعد معايا لانى مكنتش برضا

حد يغيرنى لانى عنيده جداااا المهم انا واختى قلنا لا يعنى لا لازم ناخد قرار امال لبسنا

النقاب ليه وقلنا خلاص هنوعد ربنا وبكده عــــمــرنا ما هنرجع نتفرج ولا نغضبه تانى

وبالفعل وعدنا ربنا والحمد لله من ساعتها لما بكون فى ميكروباص او فى الشارع واسمع

اغانى بحس ان قلبى ينقبض واذنى تؤلمنى ومبطقش نفسى بفضل الله تعالى اللهم لك

الحمد وبس وعائلتى اخدوا على ده بدأنا نحضر دروس دينيه عملنا صحبه صالحه بفضل

الله وما شاء الله الخيير كتييييير بس اللى يدور فعلا والحمد لله بدات ادور على الايجازات

وغيره وغيره والمسابقات الدينيه الى هذا الوقت والحمد لله ان ربى قربنى منه اللهم لك

الحمد ..واسال الله تعالى ان يرزق بنات المسلمين بالنقاب اقسم بالله احسن شئ شفته فى

حياتى ......

سـلـسلة الـخـبـرات الحـيـاتـيـة اولا :(النقاب ) B9e7baef4

سـلـسلة الـخـبـرات الحـيـاتـيـة اولا :(النقاب ) B9e7baef4

مــصـافات مع نـقابـى :

بالنسبه للمشكلات فهى يعتبر المصادفات التى واجهتنى واكتر حااااااجه المتنى جداااا انه

بسبب نقابى فى يوم ذهبت انا وابى واختى لبنك اسلامى كان ابى يريد ان يضع لى انا

واختى فلوس فى البنك وذهبنا لبنك (....) الاسلامى كانت اختى معاها بطاقتها ولكن لم

تجد معها شهاده الميلاد اما انا فقدر ربى انى انسى بطاقتى واخد شهاده ميلادى المهم

....عندهم هناك الله يهديهم ان اللى معاها شهاده الميلاد ماشى هيتحط لها الفلوس ولكن

بوصيه الوالد لكن الفلوس هتبقى باسمها واما عن اختى فهيا هتكون وصيه على نفسها..

وهناك لااااااااااازم يشوفوا وشها وانا كمان اول لما اتم ال21 سنه لازم هيجددولى

الحساب ويشوفوا وشى قلنا ربنا يسهل على الواحد وعشرين لما ييجوا يبقى ربنا يسهلها

وطيعا استحاااااااااالة انى ارفع لهم نقابى فعملنا مشكله ( امال بنك اسلامى ازاى ؟؟)

.وبابا قالها خلاص ارفعى النقاب يعنى وكده انهمرت فى البكاء وانا كمان لما شفتها

بتعيط قعدت اعيط معاها اختى صبوره عنى انا عصبيه شويه عنها فتعصبت عليهم

واختى قالت مش عاوزه فلوس بلا فلوس بلا قرف انا استحاله يا بابا ارفع نقابى... بابا

قعد يهديها وبابا لحد دلوقتى ( مشافنيش وانا هطق )خلاص ده قبل العصبية الى عملتها

فـبابا قالها خلاص وطلع للمدير وقاله بنتى مش هتقدر تخلع نقابها مش قاادرة نزل المدير

معاه وكلمنا والراجل اللى واقف على الورق ادانا وثيقه (آل من الازهر) والله لا استريح

لبتوع الازهر معظمهم . وادانا ورقه انه يجوز انها ترفع النقاب والورقه موثوقه من شيخ

الازهر ومجوعه شيوخ اخدت الورقه من اختى بعنف فبصيت فى الورقه وعملتله

(ها ها ها) ورميتله الورقه على الرخامة والمدير بيقول هو استحااااله هيمضيلك على

ورقك الا لما يشوفك وانتى كمان (بيقولى) انا اول لما تتمى ال 21 لازم يشوفك انا

لحد دلوقتى خلاااص هنفجر قلتله خلاص فى اخت اهى تيجى وتشوفها واحنا والله

منعرفها كانت مش منتقبه وهما عنهم مينفعش النساء تشتغل كــــلهم رجال فمصدقت انها

تدخل وقلتله قالى لاااااااااا ولقيته بيقول لاختى انا لو شفتك هو ميقدرش يمضى لااااااازم

هو اللى يشوفك ويتحقق منك طلعت انا فيه قلتله بنك اسلامى ايييييه بيقول بس الازهر

اباح كده قلتله (بلا ازهر بلا ....) ده اييه القرف ده ارفع نقابى علشان سيادتكم

...وبابا عمال يقول اهدى خلاص وانا مش سامعة حد (هههههههه) قلتله لما ربنا

والرسول يقول حاجه يبقا كلنا نخرس انا مش هعصى ربنا علشان سيادتك دى

استحاااااالة واستحالة اننا نرفع النقاب ده ايه الاستعباط ده ومش فاكره قلت ايه تانى بس

طلعت فيه جااامد وقام الراجل كلم بابا وطلع مكتبه بابا قعد معانا وقالنا فيه ايه خلااااص

اهدوا وهدينا شويه الحمد لله بابا قال لاختى خلاص هنحط فلوس اختك باسمها وانتى

هحط فلوسك باسمى قالت انا مش عاوزه فلوس بلا قرف يا بابا فلوس اييييه دى اللى

هتخلينا نخلع نقابنا دى استحاااااله وفعلا حط فلوس اختى باسمه ومشينا وطول الطريق انا

واختى مش قاااادرين من البكاء وماسكين نقابنا فروحنا وامى استغربت وبقول فى ايه

.... بابا حكالها لاننا مكناش قادرين وبعد مش عارفه كام شهر بابا سحب الفلوس كلها

من البنك الزفت ده وبنالنا بيه احسن من اننا نرفع النقاب

النقاب ده حياااااااااااااتنا من غيره منقدرش نعيش لاننا حبيناه قوووووووى

قووووووووووى بس دى اكتر حاجه كان النقاب عقبه فيها ولكن عمرنا ما هنتخلى عنه

طول حياتنا .

وفى موقف اخر كنت تعبانه اووووووى مناعتى قليله جدااااااااااااااااا ودائما عندى برد

وكشفت عند دكاترة كتير لكن مفيش فايد تابعت مع دكتور فتره كبيره وفى الاخر بيقولى

انا يئست من حالتك متكشفيش تانى وحاولى تاكلى على قد ما تقدرى المهم سمعت عن

دكتور تانى ورحتله للاسف كان نصرانى فقالى اكشفى النقاب علشان اعرف اشوف انفك

ومسكت النقاب وقلتله (لالالالا) كان فى مستشفى فالممرضه قالتلى هيتعصب معلشى ده

انتى تعباانه وكان المفروض يعملى غسيل انفى وطبعا فى الغسيل المفروض ارفعه عن

وجهى خالص فكنت رافع نصه ومخبيهالباقى بايدى يعنى انفى بس اللى ظاهره امى قعدت

تقولى يا بنتى دى ضروره وانا لولا ان دكتور من الدكاتره قالى ممكن تموتى مكنتش

كشفت من الاصل لو اعرف انها كده فعلشان اخذ بالاسباب كشفت وان ربى قال"لا تلقوا

بايديكم الى التهلكه"وانى اسيب نفسى كده يعنى بعرضها للتهلكه قعدوا يقنعونى كتير المهم

الدكتور لقيته بيتضايق (ههههههههه) كنت عاوزه اضحك بس خوفت منه بصراحه

ومكنتش عارفه اتنفس اصلا من الغسيل لانه كل لما بييجى اخبى وشى وهو( ينفخ

ويتضايق) قلت شكلى هزعق فيك لكن هو اللى زعق فيا للاسف (ههههههه) والحكايه

دى كانت فى الاجازه بعد العيد الصغير مباشره والحمد لله من ساعتها حالتى حاسه انها

اتحسنت شويه فقلت خلاااص انا زهقت من الدكاتره ومن الادويه ومش هكشف تاانى

وبابا وماما واختى والله كمان زهقوا منى لانى مهمله فى اكلى جدااا بس بحاول اكل

علشان اتقوى فقط واتقوى على عباده الله .والله المستعان

سـلـسلة الـخـبـرات الحـيـاتـيـة اولا :(النقاب ) B9e7baef4

مضايقات مع النقابى

اما عن المضايقات

ااول حاجه ضايقونى اوووووى اهلى عندما ارتديت النقاب لى اولاد خالى فى سنى

واولاد خالتى اكبر منى متزوجين ما شاء الله بس اولاد خالتى (واخده عليهم

اوووووووووووووووووى وهما واخدين عليا جداااااااااا) فعندما ارتديت النقاب حاولوا

يهزوا معايا وكده فكنت بحاول اسكت علشان يحسوا انى انتقبت وخلاص مينفعش الهزار

لقيت واحد جيه وعاوز يسلم احرجت اووووووى وبعدين قلت ياربى اعمل ايه فى سرى

عملتها بضحكه وضميت ايدى معادا الابهام خليته لتحت وضحكت عليهم فضحكوا وفى

الغالب فهموا حمدت ربنا انى عرفت اخرج من المأزق ده فجيه يهزر لقيته عايز يضربى

على ايدى وهو بيضحك قلتله لااااااااا مينفعش خلاااااص فى نقااب فسكت وحسيت انه

زعل منى وهو عامل زى اخويا الكبير لانى معنديش اخوات غير اخت واحده بس عماتى

وعمامى مش بحبهم مع انى بضغط على نفسى وبقول لازم( صله الرحم) لكن اولاد

خالاتى وخيلانى دول اخواتى وهما محسنا كده من واحنا صغننين خااالص بالذات ابن

خالتى الكبيره هما فى البلد اصلا فبعاد عننا الحمد لله علشان ميحصلش تجاوزات فى مره

قريب يعنى... قعدت انا واختى نتحيل على ماما وبابا كان فرح بنت خالى يوم الجمعه او

الخميس فـقولنلهم سيبونا وتعالوا خدونا يوم الاحد بالعاااافيه بابا رضى اصلاا احنا

استحااااااالة نبات بعيد عن ماما وبابا بتنا عند جدى وجدتى بس كانوا يومين حسيت

بتجاوزات فيهم بس فى المجملكانوا يومين تحفه بس حسيت( برعل) لما قعدت مع

نفسى... اولاد خالى اللى فى سنى هما اتنين كانوا بيقعدوا معانا على طول ولعب

بالكوتشينه وهزار بس اتضايقت بعد كده بقيت انا واختى قلنا لبعض وحاولنا اننا نتهرب

منهم بقينا نطلع فوق على السطح ووراء البيت فى خضره تحفه منظر يجنن بقينا فى

غروب الشمس نطلع بس عانيت عقبال لما عودتهم بعدم الهزار باليد وقله الهزار من

الاساس والى الان بعانى وربنا يوفقنى فى ذلك.

سـلـسلة الـخـبـرات الحـيـاتـيـة اولا :(النقاب ) B9e7baef4

مضايقات فى الثانوى.... مع نقابى

تانى حاجه كانت بتضايقنى اوووووووووى لما كنت فى الثانوى كان فى مدرسين رجال

بس عاوزين يحسونى انهم زمايلى مش دور( انهم اساتذه وانا طالبه )كنت بتضايق

بالذات من اللى كان بيدينى مع انه متزوج وبنته معانا لما كنت فى تالته كانت هى فى

اولى كان بيقولى( الاستاذ) يا محبة... انا هشوفك هشوفك قلتله يا سلام وازاى بقى

قالى مش فى استمارات وانا اللى هاخده انا واستاذ اسماعيل(استاذ اسماعيل ده محترم

جدا واحسبه على خير وزوجته منتقبه ناس ملتزمه يعنى) انما الاستاذ خالد ده اللى كنت

هطق منه قلتله انتا هتشوف صورتى اوك بس اقسم بالله ما هسامحك ليوم الدين وانا

بقسم بالله فلما جينا علشان نعمل الاستمارات اتاريه كان بيضايقنى وكل شويه كان يذلنى

ويضايقنى فلما عملناها اخدت ورقى على جنب انا وواحده تانيه كانت منتقبه بس هيا

انتقبت فى تالته او فى تانيه لم اتذكر فكانوا شافوها خلاص انما انا اللى كان( عاوز

يشوفنى يعنى عاوز يشوفنى) ولما بنكون فى فسحه بقف انا وزمايلى على السور بره

كان ييجى ويقف معانا ويقعد يقولنا حاجات عن الدين ما شاء الله معلوماته تحفه فى الدين

بس للاسف لم يعمل بها... المهم اخدت ورق الاستماره ورحت انا وزميلتى وقلبنا الورق

على ظهره ووديناه لاستاذ اسماعيل وقولت له ده اماااانه ولا حضرتك ولا اى رجل

يشوفه وبالذات استاذ (خالد) قعد يضحك ويقولنا متخافوش بس استاذ خالد بيهزر معاكم

انا كنت قسم ملابس فكان استاذ خالد بشرحلنا حاجات فمثلا واحده لابسه بلوزة فيها فصة

هو بيشرحها يقوم جايبها ويقول اهى ولو كانت فى الكم يعنى الاسوره بالذااااااات كان

يحب اوووى يمسك الاساور (يمسك الايادى بمعنى اصح) فـ فى مره كنا فى الدرس

فبيشرح وانا كنت لابسه ملحفة وكنت قاعدة قدامه فلقيته فى الاسوره ولقيت ايده جايه

ناحيتى شيلت ايدى بسرررررعه لقيت البنات ضحكوا عليه (هههههه)وبيقولى فى ايه ده

انا هوريهم بس قلتله بس كده حاضر (ودخلت ايدى جوه الملحفه واديته الكم) قعدوا

يضحكوا وهو علشان ميحرجش لانها كانت باينه اووووووى قعد يضحك هوكمان بس

اتضايقت منه اوووى كنا مثلا لما بنبقى فى العملى فى مره اول مره لقيته بعتلى بنت

فين( المحبة) قلتلها انا .. قالتلى استاذ خالد عاوزك... انا خفت قلت فيه حاجه وكنت

خايفه لانه بعت لى اضافه على النت اخدنى من عند بنته وانا رفضته وكنت خايفه يعمل

مشكله ولا حاجه فى الفسحه رحت له قعدت اتحايل على زمايلى طب واحده طيب تيجى

معايا قالولى مش قادرين قلتلهم ماشى ورحت لقيته واقف على السور فبقله خير يا مستر

فى ايه قالى ولا سلام ولا كلام قلتله السلام عليكم اصل فى بنت بتقولى استاذ خالد

عاوزك خير فى حاجه... لقيته بيقولى ايه هو لازم يكون فى حاجه... قولت له مش

فاهمه قالى مش احنا اصحاب وقولتله نعم اصحاااااااب؟؟؟؟!! قالى ااااه متجيش ليه تسالى

عليا تعجبت اوووووووووى وفضلت باصه الناحيه التانيه قلت (شكلك بتستهبل او

بتستعبط فى نفسى) قلتله خلاص ماشى ان شاء الله وطنشته فهمت انه مش محترم

عاوز يتسله وطنشته وزعلت من زمايلى وقلتلهم قعدوا يضحكوا عليا قلتلهم انتم معندكوش

دم انكم تسيبونى اروح لوحدى وزعلت منهم جدااااا بس طنشته واسال الله ان يهديه

سـلـسلة الـخـبـرات الحـيـاتـيـة اولا :(النقاب ) B9e7baef4

فى المعهد مع النقابى

اما دراسه فى المعهد فى موقفين حصلولى

بيحسبونى بنت عاديه يعنى (عادى لبسة نقاب زاى مش لبسة) انا فى قسم مدنى وباخد

رسم .. كنت فى صاله الرسم وانا فى سنه اولى وكنت برسم فكانوا فى حاجه واقفة

قدامهم انا قلت لزميلاتى لانى كنت عارفاها لقيت واحد اقسم بالله ولا اعرفه ولا افتكر

انى بصيت له اصلاااا لقيته بيقولى لو سمحتى عاوز افهم دى جبتيها ازاى فسكت وهزيت

كتفى فشكله يعنى كان محترم وقالى خلاص اوك شكرا.( ربنا سترها من عنده)

ومره تانيه لقيت واحد برضوا مبصتلهوش الا لما احرجنى واتضايقت لقيته بيقولى انتى

جبتى دى ازاى برضوا سكت وهزيت كتفى يعنى معرفش فلقيته بيقولى جبتيها ازاى

و(على صوته )قلتله معرفش رد وقالى متعرفيش وبتعملى كده امال لو كنتى عارفه كنتى

عملتى ايييه بصراحه صعب عليا نفسى وكنت هعيييط وهمشى بس مش فاكره ايه اللى

حصل ومعيطش ولا مشيت مش فاكره البشمهندسة دخلت ولا اييه مش فاكره

سـلـسلة الـخـبـرات الحـيـاتـيـة اولا :(النقاب ) B9e7baef4

ونستكمل الموضوع ما مواقف حمانى فيها نقابى .........

» ملاحظة عن النقاب
» ضبط عاطل مرتديا النقاب أثناء محاولته سرقة صيدلية بالإكراه بالشرابية