بشرتك بهتانه و عندك هالات سوداء ؟ الحل هنا و من الأخر

يا بناتييييت الموضوع ده عن تجربه شخصيه مش جو الوصفات الوهميه بقي و الخلطات اياها هتجربوه و ان شاء الله هتدعولي
الواحده فينا وشها بيبقي بهتتاااااااان كده و الهالات السودا تخليكي كده شبه عيون الباندا لكن مع الوصفه دي ان شاء الله كل ده هيتغير بس اهم حاجه المواظبه بجد , متستخسريش في بشرتك عشر دقايق كل يوم في حاجه بجد هتفرق مع كل واحده فينا اوي
اولا انا ماشيه علي الوصفه بقالي حوالي 3 اسابيع و النتيجه ما شاء الله بجد وهميه
انا بشرتي تكاد تكون مختلطه يعني دهنيه علي الجبهه و الانف و الذقن و تميل للجفاف عند الخدود و تحت العين
اولا يا بنوتااات هنحتاج الأتي :
1- ماء ورد ( يفضل ماء ورد ايفا ) من الصيدليات
2- كبسولات فيتامين E 400 ميليجرام
3- خيارتين حلوين نقاوه كده
4- برطمان زجاج او اي عليه زجاج محكمه الغلق
5- القطن الدواير اللي بيستخدم لازاله الميك اب
معلش انا مش عارفه ارفع الصور بس هي دواير كده قطنيه بتتباع في اكياس طويله فيها كتيييييييير اووي
6- بكره شاش

نيجي بقي للوصفه
1-هنقطع الخيار شرايح و بعد تقشيره نص تقشيره كده يعني حاولي تسيبي فيه شويه قشر بسيط و نحط عليه 3 معالق كبيره ماء ورد و نضربها في الكبه عشان نعمل عصير خيار ( بس نتاكد طبعا من نظافه الكبه و ياريت نستخدم الكبه تكون مش خاصه بالثوم و البصل و الحاجات الحلوه دي )
2- هنصفي الخيار ده و ناخد منه العصير
3- هنضيف علي العصير 3 كبسولات من الفيتامين E ( ممكن تفتحي الكبسوله بالدبوس او المشرط بس برضه نتاكد من تعقيمهم الاول بقطنه بديتول مثلا )
4- هنجيب اللبرطمان النظيف الجاف و نضع شويه من الخيار المبشور في القاع اولا
5- بعدين نحط طبقه من cotton pads و نحط عليها من العصير الي عملناه بدون ما نضغط علي القطنه
6- نكرر الخطوه تاني نحط قطنه تانيه و نغرقها بالعصير برضه بدون ضغط لحد ما العصير يخلص

ملحوظه : لازم يبقي فيه مساحه بين اخر قطنه و الغطاء

7- هنقفل البرطمان كويس جدا و نسيبه في الثلاجه يوم كامل

الاستخدام :
- كل يوم اول ما تصحي بتاخدي واحد من ال pads دي و تمسحي بيها وشك
[ المسح بيكون من اسفل الذقن لاعلي الوجه و من الانف للأذن و طبعا محيط العينين ]
-طبعا متغسيليش وشك بعدها سيبيه حوالي ساعه و بعدين اغسلي وشك مع الشاور كده و لو هتنزلي شغل بقي او جامعه سيبيه علي الاقل ربع ساعه و بعدين اغسلي وشك متنزليش كده في الشمس
-كمان قبل ما تنامي خدي قطنه و امسحي بيها وشك و سيبيه علي وشك لحد الصبح
-ممكن كمان لو فاضيه ساعه العصر كده خدي قطنتين اعملي بيهم كمادات علي عينك لمده 20 دقيقه و هتشوفي الاسترخاء و التفتيح بجد

-- صدقيني بقي يوم عن يوم بشرتك ان شاء الله هتنوووووووووووووور بس المواظبه اهم حاجه هتلاقي بشرتك مورده و الهالات باي باااااااااااي

منقول

» عندك إكس بي؟ يعني عندك فاكس‎
» الألم ......والأمل......ايهما يقتل الأخر.......؟؟؟
» لاخيل عندك تهديها