ليه يادنيا

ليه يادنيا

ليه يا دنيا الجرح دايما من نصيبي
ليه بشرب المر فيك والعذاب دايما رفيقي
دى حبيبتي إل ياما أتمنيتها فبكى
تقسي على قلبي وتهجر من غير متفكر في حبي
بتقول إنى ببعد وهى بالبعد على قلبي بتحكم
ياحبيبى لو كان البعد فرحك وهناك
هبعد عنك وهسيبك تعيش لوحد دنياك
لا في يوم هجيلك ولا هفكرك بحبك وهواك
ولاهستعطفك تانى ولا هطلب حتى رؤياك
أنا قلبي حبك وبعشقك عاش ومن ربه أتمناك
دعاه تفضل أنيسه ويعيش باقي العمر معاك
وأنت تهجر وتبعد من غير متفكر في حالي
من غير ماتفكر في عذابى بعدك وفى إل هيجرالى
وبتقول علشان يعيش حياته ويرتاح وينساني
طيب ياترى الأرض تقدر تنسى الشمس لو غابت وتقول أنا مالي
ياترى السمكة تقدر تهجر البحر وتقول هي دى العيشة إل تحلالى
لو كان ده ممكن يحصل ساعتها هعيش من غيرك ولاهتيجى في بالى
بس العيشة جنبك لازم تكون بالعزة تكون بكرامة حب قلبك يهديهالى
لازم تكون لأنك عايزة تكوني جنبي ومشتقالى
لازم تكون لانى حبيبك مش عاشق لقلبك وقلبك في لحظة ممكن ينساني
الحب نهر يروى القلوب بحنان العاشقين
مش صدقه ولا عطف على قلوب المساكين
الحب عزة وكرامة ونخوة العاشق الأمين
مش طلب لكلمة حب ولا نظرة من عيون تايهين
انتى الخوف غلب فيك الحب والحب يقوى صاحبه مش يجعله ضعيف ومسكين
الحب فرح وسعادة وان كان في عز الهموم وان كان القلب حزين
لكن الحب يمحى الحزن لما تتلاقى قلوب المغرمين
الحب دنيا فيه الفرح يهزم الحزن لو صدقت قلوب المحبين
ياحبيبى طلبت بعد وأنا رفضته وأنت النهاردة بتبعد وبتقسى وتزيد في القلب الأنين
مش هلومك ولا هعاتبك انا الحب عندي دنيا أعيش فيها مع حبيب يجعل القلب سالم أمين
مش مع قلب يفكر في بعدى ويحكم ويقول خايف عليك أظلمك وتكون من المجروحين
اسمحلى أقولك أنا في مكاني وهفضل احبك بس مش هيجي يوم واطلب تانى عطفك
لو كنت فعلا حبيك وحاسس بيا قلبك أنت عارف أنى في لحظة هتلاقينى تانى جنبك


كلمات الشاعر الحزين:عـــــــــــــــــــــــــــــــــــــــادل

فعلا كلام حلو بس لو فيه شويه تفائل

ان شاء الله ربنا يسهل ويجى التفائل وشكرا على مرورك الجميل